Bügın 31 qaŋtar ädıldık jolynda qūrban bolǧan halyq batyry Aron Atabektıŋ tuǧan künı. Dissedent aqynnyŋ qyzy Alma Aronqyzy Qasym-Jomart Toqaevqa ündeu tastap, Şaŋyraq oqiǧasy boiynşa ıstı qaita qarap, äkesın tolyq aqtaudy talap ettı. Būl turaly "Adyrna" ūlttyq portaly jazady.
"Bügın menıŋ marqūm äkem Aron Atabektıŋ tuǧan künı. Ol közı tırı bolǧanda, 70 jasqa tolar edı. Aiausyz öltırgendıkten, özınıŋ mereitoiyna jete almady. Menıŋ ündeuım Prezident Qasym-Jomart Toqaev myrzaǧa jetuı üşın osy beinejazbany barynşa taratularyŋyzdy sūraimyn. Qūrmettı Qasym-Jomart Kemelūly! Men özıŋıge taǧy da jügınıp otyrmyn. Aldyŋǧy ötınışıme QR IIM, Prokuratura jäne QR IIM QAJK atynan syrǧytpa jauaptar ǧana aldym. Olar menıŋ äkem qaitys bolǧannan keiın aqtalmaidy, ıs jabyldy jäne ol bas bostandyǧynan aiyru oryndaryndaǧy tüzeu mekemesınıŋ jaǧdaiyna şaǧymdanbady dep aitady. Alaida, bükıl Qazaqstan olardyŋ äkemdı qandai müşkıl jaǧdaida ölu üşın bosatqandaryn kördı. Ol bostandyqqa nauqas, öluge jaqyn jüdeu küide salmaǧy 47 kelı bolyp şyqty. Būǧan qaramastan ol tolyq aqtalmaiynşa bosatudan bas tartamyn dep öz qolymen jazdy. Qazaqstan halqy üşın Aron Atabek kım bolǧanyn jäne bolatynyn eske salǧym keledı. Ol öz halqyn, öz jerlesterın qorǧauǧa şyqqan patriot, naǧyz batyr. Sonyŋ arqasynda bügınde 1000 otbasy baspanalaryn zaŋdastyryp, jyly üidıŋ ışınde tūryp jatyr. Sondai-aq äkem elımızdıŋ tarihyna baǧa jetpes üles qosty. Şyǧarmaşylyǧy halyqaralyq deŋgeide tanylǧan mädeni qairatker retınde, talantty jazuşy retınde, aqyn retınde, türkıtanuşy retınde onyŋ öleŋderı ömır sürıp keledı jäne mäŋgı ömırşeŋ bolary sözsız. Alaida, menıŋ äkem özınıŋ 15 jyl ǧūmyryn jeke kamerada ötkızdı. Ony qorlady, aştyq pen suyqpen azaptady. Ony aiausyz soqqyǧa şyǧyp, qol-aiaǧyn syndyrdy. Osynyŋ bärıne qaramastan, menıŋ äkem qaisar ruhyn saqtap, özınıŋ adal esımın qalpyna keltırudı talap ettı. Qasym-Jomart Kemelūly! Men sızge retınde mūŋyn şaqqan qyz retınde jügınıp otyrmyn, öitkenı sız de äkesıŋ. Sızdı marqūm äkemdı qaitys bolǧannan keiın aqtauyŋyzdy sūraimyn. Şaŋyraq oqiǧasy boiynşa ıstı qaita qarauǧa jıberudı sūraimyn. Būrynǧy bilıktıŋ qatelıkterın moiyndap, tüzetulerıŋızdı sūraimyn",- dedı Alma Aronqyzy.
"Adyrna" ūlttyq portaly
