Qazaqstan qarjy mınıstri Álıhan Smaıylov úkimet "esnabanktiń" jaǵdaıyn jaqsartý sharalaryn jasaýdy josparlap otyrǵanyn rastady.
Azattyq tilshisi mınıstrden "Problemalyq nesıeler qory" "esnabank" aktıvterin satyp alýdy qarjylandyrý úshin jergilikti qor bırjasyna 604 mıllıard teńgeniń oblıgaııasyn ornalastyrady" degen aqparattyń qanshalyqty ras ekenin suraǵan.
Mınıstr Smaıylov "Biz bul týraly áli kelisimge qol qoıǵan joqpyz. Biraq ondaı josparymyz bar. Banktiń jaǵdaıy nashar emes, biraq osyndaı sharalar jasaý kózdelip otyr" dedi.
Buǵan deıin Reuters agenttigi Qazaqstan úkimetindegi derekkózderine silteme jasap, Astana "esnabankke" qosymsha qarjy kerek dep, oǵan ınvestor izdep jatqanyn habarlaǵan. Agenttik derekkóziniń málimetinshe, úkimet pen ulttyq bank ókilderi byltyrdan beri Qazaqstannyń úsh bankimen kelissóz júrgizip jatyr.
Buǵan deıin Qazaqstannyń shalajansar bankterine birneshe ret qarjylaı kómek jasalǵany habarlanǵan. Kómek alǵan bankterdiń arasynda Qazaqstandaǵy ekinshi iri kredıtor – "esnabank" te bar. Bul bank "esna" korporaııasyna kiredi, al ony osy kezge deıin Ádilbek Jaqsybekovtiń uly Dáýren basqaryp kelgen.
"esnabank" qyrkúıektiń basynda Ulttyq bankten qysqa merzimge 150 mıllıard teńge nesıe alǵanyn rastaǵan. Nesıe "qosymsha ótimdilik qoryn qamtamasyz etý úshin" berilgen. Bank 6 qyrkúıektegi jaǵdaı boıynsha nesıeniń jartysynan kóbi - 100 mıllıard teńgeni "óz esebinen ótegenin" habarlaǵan.
2017 jyly bank sektoryn jaqsartý baǵdarlamasy aıasynda "esnabankke" memleketten jeńildikpen 100 mıllıard teńge berilgen edi.
"Azattyq" radıosy
