AQŞ-tyŋ İranmen soǧysqa jūmsaǧan operasiialyq şyǧyndary 47 milliard dollardan asty. Būl turaly Reuters agenttıgı jazdy, dep habarlaidy «Adyrna» tılşısı.
Atalǧan soma AQŞ äskeri küşterınıŋ şılde aiynda ūsynǧan baǧalauynan 25 paiyzdan astamǧa joǧary. Jaŋa derekter resmi türde jariialanbaǧan.
AQŞ Qorǧanys ministrlıgınıŋ boljamynşa, jūmsalǧan oq-därıler qoryn tolyqtyruǧa 29 milliard dollardan astam qarajat qajet. Al joǧalǧan äskeri tehnikany, sonyŋ ışınde ūşaqtar men ūşqyşsyz ūşu apparattaryn almastyruǧa taǧy 6 milliard dollardan astam qarjy kerek. Sonymen qatar esepke İrannyŋ zymyrandary men drondarynan zaqymdanǧan amerikalyq äskeri bazalardy jöndeuge jūmsalatyn qomaqty şyǧyndar engızılmegen.
Şılde aiynda AQŞ Qorǧanys ministrı Pit Hegset soǧystyŋ qūnyn 37,5 milliard dollar dep baǧalaǧan edı.
Prezident Donald Tramp aqpan aiynda İzrailmen bırlesıp, äskeri operasiiany bastaǧan kezde qaqtyǧys ūzaqqa sozylmaidy dep kütken. Bastapqy jospar boiynşa, aldymen İrannyŋ qorǧanys jüiesın basu üşın qymbat ärı joǧary däldıktı zymyrandar qoldanylyp, keiın arzanyraq oq-därılerge köşu közdelgen. Alaida Reuters materialynda aitylǧandai, säuırdegı bıtımnen keiın İran äue şabuylyna qarsy qorǧanys jüielerınıŋ, zymyrandyq qaru-jaraǧy men ūşqyşsyz ūşu apparattarynyŋ bır bölıgın qalpyna keltıre alǧan.
Sonymen qatar The Wall Street Journal basylymy derekközderıne sılteme jasap, AQŞ diplomatiialyq jäne äskeri arnalar arqyly Parsy şyǧanaǧyndaǧy arab elderın 3 qaraşaǧa belgılengen Kongreske aralyq sailaudan keiın «qysqa, bıraq qarqyndy äskeri nauqanǧa» daiyndaluǧa şaqyrǧanyn habarlaǧae. Basylym derekközderınıŋ mälımetınşe, amerikalyq äskeriler Tehas ştatynan «Petriot» zenittık-zymyran keşenın tasymaldap, aimaqtaǧy oq-därı qoryn tolyqtyryp jatyr. Sondai-aq bombalauşy ūşaqtar men joiǧyştardy yqtimal soqqylarǧa daiyndauda.
Tramptyŋ ainalasyndaǧy derekközderdıŋ aituynşa, äskeri operasiiany qaita bastau turaly tüpkılıktı şeşım älı qabyldanbaǧan. Degenmen, prezident İranǧa auqymdy şabuyl jasauǧa niettı. Onyŋ nysanasyna eldıŋ infraqūrylymdyq nysandary men iadrolyq baǧdarlamasyna qatysty obektıler ılıguı mümkın.
Yqtimal jaŋa äskeri nauqanǧa daiyndyq AQŞ-taǧy aralyq sailau qarsaŋynda jürıp jatyr.
Respublikalyq partiia Kongrestıŋ qos palatasynda da az ǧana basymdyqqa ie. Reuters atap ötkendei, soǧys saldarynan energiia tasymaldauşylar baǧasynyŋ ösuı Tramptyŋ reitingıne jäne respublikalyq kandidattardy qoldau deŋgeiıne kerı äser etken.
Qazan aiynyŋ basynda Tramp taraptar arasynda «nätijelı kelıssözder» jürıp jatqanyn aityp, AQŞ sailauǧa deiın İranǧa soqqy jasamaitynyn mälımdegen. Alaida bırneşe künnen keiın ol Tegeranmen kelıssözderdı jalǧastyru mümkındıgıne kümän keltırıp, Vaşingtonnyŋ kımmen kelıssöz jürgızıp jatqanyn endı tüsınbeitının aitqan.
AQŞ şeneunıkterınıŋ sözınşe, tiıstı būiryq berılgen jaǧdaida Pentagon auqymdy äskeri qimyldardy qaita bastauǧa daiyn.
