Belgılı käsıpker Ahmetbek Nūrsila Qasym-Jomart Toqaevtan «Siusai» mektebın tekserudı sūrady. Aituynşa, onyŋ negızın qalauşy Janat Qojamjarov halyqtyŋ sanasyn ulap jatyr, dep habarlaidy «Adyrna» tılşısı.
«Qazaqstanda Qojamjarov Janat degen azamat özın «baqsy» dep jariialap, «Siusai» atty degen jalǧan ǧylym, sekta aşyp halyqtyŋ sanasyn ulap jatyr. 6000-nan astam «Siusai» şeberın oqytyp, sertifikat berdı. Endı ol «şeberlerdıŋ» ärqaisysy kurs aşyp, sektanyŋ qyzmetın ary qarai damytyp jatyr. Zaŋ būzuyşylyqpen ainalysqandyqtan, Qazaqstanǧa kele almaidy. Sol sebeptı treningterın Dubaida, Türkiiada, Qyrǧyzstanda ötkızude. Siusai şeberı bolyp, mol aqşa tabasyŋ, bailyqqa kenelesıŋ degen jarnamaǧa sengender sektanyŋ 5 kündık (1 000 000 teŋge) sabaǧyna bankterden nesie alyp oqyp jatyr. Sabaq barysynda Janat Qojamjarov äiel adamdardy şeşındırıp, arqalaryn ystyq sumen küidırıp, erkekterdı kır jerge jatqyzyp tabanymen taptaidy eken. Onymen qosa, türlı bylapyt, boqtyq sözderdı qardai boratady. Ol «Siusai deti», «Siusai molodost» degen treningter aşyp, endı jastardyŋ sanasyn ulauǧa daiyndalyp jatyr. Qūrmettı Prezident! Eger de būl sektanyŋ jūmysyn toqtatpasaq, arty nasyrǧa aparuym äbden mümkın. Bügıngı künnıŋ özınde är qalada Siusaidyŋ bırneşe kluby, bölımşesı bar. Olar kün saiyn türlı treningter ötkızedı. Osy sektanyŋ jūmysyn tekseruge qūzyrly mekemelerge nūsqau berıp, būl ındettı toqtatuyŋyzdy sūraimyz»,—dedı ol.
<
Ūqsas jaŋalyqtar
