Belgili kásipker Ahmetbek Nursıla Qasym-Jomart Toqaevtan «Sıýaı» mektebin tekserýdi surady. Aıtýynsha, onyń negizin qalaýshy Janat Qojamjarov halyqtyń sanasyn ýlap jatyr, dep habarlaıdy «Adyrna» tilshisi.
«Qazaqstanda Qojamjarov Janat degen azamat ózin «baqsy» dep jarııalap, «Sıýaı» atty degen jalǵan ǵylym, sekta ashyp halyqtyń sanasyn ýlap jatyr. 6000-nan astam «Sıýaı» sheberin oqytyp, sertıfıkat berdi. Endi ol «sheberlerdiń» árqaısysy kýrs ashyp, sektanyń qyzmetin ary qaraı damytyp jatyr. Zań buzýyshylyqpen aınalysqandyqtan, Qazaqstanǵa kele almaıdy. Sol sebepti trenıngterin Dýbaıda, Túrkııada, Qyrǵyzstanda ótkizýde. Sıýaı sheberi bolyp, mol aqsha tabasyń, baılyqqa kenelesiń degen jarnamaǵa sengender sektanyń 5 kúndik (1 000 000 teńge) sabaǵyna bankterden nesıe alyp oqyp jatyr. Sabaq barysynda Janat Qojamjarov áıel adamdardy sheshindirip, arqalaryn ystyq sýmen kúıdirip, erkekterdi kir jerge jatqyzyp tabanymen taptaıdy eken. Onymen qosa, túrli bylapyt, boqtyq sózderdi qardaı boratady. Ol «Sıýaı detı», «Sıýaı molodost» degen trenıngter ashyp, endi jastardyń sanasyn ýlaýǵa daıyndalyp jatyr.
Qurmetti Prezıdent! Eger de bul sektanyń jumysyn toqtatpasaq, arty nasyrǵa aparýym ábden múmkin. Búgingi kúnniń ózinde ár qalada Sıýaıdyń birneshe klýby, bólimshesi bar. Olar kún saıyn túrli trenıngter ótkizedi. Osy sektanyń jumysyn tekserýge quzyrly mekemelerge nusqaý berip, bul indetti toqtatýyńyzdy suraımyz»,—dedi ol.
<
