بەلگىلى كاسىپكەر احمەتبەك نۇرسيلا قاسىم-جومارت توقاەۆتان «سيۋتساي» مەكتەبىن تەكسەرۋدى سۇرادى. ايتۋىنشا، ونىڭ نەگىزىن قالاۋشى جانات قوجامجاروۆ حالىقتىڭ ساناسىن ۋلاپ جاتىر، دەپ حابارلايدى «ادىرنا» ءتىلشىسى.
«قازاقستاندا قوجامجاروۆ جانات دەگەن ازامات ءوزىن «باقسى» دەپ جاريالاپ، «سيۋتساي» اتتى دەگەن جالعان عىلىم، سەكتا اشىپ حالىقتىڭ ساناسىن ۋلاپ جاتىر. 6000-نان استام «سيۋتساي» شەبەرىن وقىتىپ، سەرتيفيكات بەردى. ەندى ول «شەبەرلەردىڭ» ارقايسىسى كۋرس اشىپ، سەكتانىڭ قىزمەتىن ارى قاراي دامىتىپ جاتىر. زاڭ بۇزۋىشىلىقپەن اينالىسقاندىقتان، قازاقستانعا كەلە المايدى. سول سەبەپتى ترەنينگتەرىن دۋبايدا، تۇركيادا، قىرعىزستاندا وتكىزۋدە. سيۋتساي شەبەرى بولىپ، مول اقشا تاباسىڭ، بايلىققا كەنەلەسىڭ دەگەن جارناماعا سەنگەندەر سەكتانىڭ 5 كۇندىك (1 000 000 تەڭگە) ساباعىنا بانكتەردەن نەسيە الىپ وقىپ جاتىر. ساباق بارىسىندا جانات قوجامجاروۆ ايەل ادامداردى شەشىندىرىپ، ارقالارىن ىستىق سۋمەن كۇيدىرىپ، ەركەكتەردى كىر جەرگە جاتقىزىپ تابانىمەن تاپتايدى ەكەن. ونىمەن قوسا، ءتۇرلى بىلاپىت، بوقتىق سوزدەردى قارداي بوراتادى. ول «سيۋتساي دەتي»، «سيۋتساي مولودوست» دەگەن ترەنينگتەر اشىپ، ەندى جاستاردىڭ ساناسىن ۋلاۋعا دايىندالىپ جاتىر.
قۇرمەتتى پرەزيدەنت! ەگەر دە بۇل سەكتانىڭ جۇمىسىن توقتاتپاساق، ارتى ناسىرعا اپارۋىم ابدەن مۇمكىن. بۇگىنگى كۇننىڭ وزىندە ءار قالادا سيۋتسايدىڭ بىرنەشە كلۋبى، بولىمشەسى بار. ولار كۇن سايىن ءتۇرلى ترەنينگتەر وتكىزەدى. وسى سەكتانىڭ جۇمىسىن تەكسەرۋگە قۇزىرلى مەكەمەلەرگە نۇسقاۋ بەرىپ، بۇل ىندەتتى توقتاتۋىڭىزدى سۇرايمىز»،—دەدى ول.
<
