Búgin «AMANAT»-tyń Atqarýshy hatshysy Elnur Beısenbaev partııanyń Respýblıkalyq qoǵamdyq qabyldaý bólmesiniń jumysymen tanysty. Ol is-shara barysynda BAQ ókilderiniń suraqtaryna jaýap berdi.
Atqarýshy hatshy qazirgi tańda partııa óz saılaýaldy baǵdarlamasyn ázirlep jatqanyn jetkizdi.
«Bul jumysqa Májilistiń eks-depýtattary, partııa janynan qurylǵan keńesterdiń músheleri, bilikti saıasattanýshylar, ekonomıster tartyldy. Al saılaýaldy baǵdarlamaǵa usynystar halyqtan tikeleı jınalady. Partııanyń Jarǵysyna sáıkes, baǵdarlamalyq qujattardy qabyldaý Sezdiń quzyrynda. Jer-jerdegi partııalastardyń talqylaýynan jáne sarapshylardyń taldaýynan ótken saılaýaldy baǵdarlama aldaǵy Sezde qabyldanady», - dedi E.Beısenbaev.
Óz kezeginde, Respýblıkalyq qoǵamdyq qabyldaý bólmesiniń meńgerýshisi Álııa Sadyrbaevanyń aıtýynsha, Saılaý týraly zańǵa sáıkes, partııanyń qoǵamdyq qabyldaýlary halyqqa kómek berý, keńes berý jumysyn toqtatty. Bul kezeńde partııa azamattardan tek usynys-tilekter jınap, saraptaýmen aınalysady.
«Azamattardyń talap-tilekteri qoǵamdyq qabyldaýlardan bólek Call-ortalyqtar, partııanyń saıty men elektrondy poshtasy, egov.kz elektrondy úkimet portaly, sondaı-aq, WhatsApp messenjeri arqyly qabyldanady. Sońǵy jeti-segiz kúnde bizdiń qoǵamdyq qabyldaýlarǵa 500-ge tarta usynys-tilek kelip tústi. Olar partııanyń saılaýaldy baǵdarlamasyn ázirleý kezinde eskeriledi», - dedi Á.Sadyrbaeva.
Sonymen qatar, Elnur Beısenbaev Májilis saılaýyna usynylatyn partııalyq tizim qandaı prınıpter boıynsha jasaqtalatynyn atap ótti. Onyń aıtýynsha, úmitkerlerdi tańdaýdaǵy basty prınıp: ashyqtyq, ádildik jáne jańarý.
«Búkil proess ashyq ótedi. Biz barlyq usynysqa ashyqpyz, irikteý pronsi ádil ótedi. Eń belsendi, bilimdi, bilikti azamattar osy tizimge enýi kerek. Oǵan qosa, ár túrli jas ókilderi, jastar, áıelder, túrli mamandyq ıeleri bolýy tıis. Ókilettilik degenimiz osy. Buǵan qosa, partııa tizimderinde jańa esimder kóp bolady», - dedi Atqarýshy hatshy.
Búginde jer-jerde saılaý shtabtary qurylyp, partııa belsendileri men eriktileri aldaǵy úgit jumysyna qyzý daıyndyqty bastap ketti.
«Biz ashyq ta tartysty básekege daıynbyz. Baǵytymyz – Ádiletti Qazaqstan, maqsatymyz – memlekettiń tutastyǵy, Táýelsizdiktiń baıandy bolýy», - dep túıindedi E.Beısenbaev.
Aıta keteıik, elimizdiń barlyq óńirinde «AMANAT»-tyń 243 qoǵamdyq qabyldaý ortalyǵy jumys isteıdi. Byltyr bul ortalyqtarǵa 134 myń adam muń-muqtajyn, aryz-shaǵymyn aıtyp kelgen. Olardyń 90%-ynyń máselesi oń sheshilse, qalǵan 10%-nyń aryz-shaǵymy qaralyp jatyr. Budan ózge, byltyr 984 aýyldyq eldi mekende 744 kóshpeli qoǵamdyq qabyldaý uıymdastyrylyp, 7,4 myń ótinim kelip tústi. Olardyń úshten biri dereý sheshilse, 60%-y boıynsha máseleni zań aıasynda sheshý joldary túsindirildi, al qalǵan 9%-y qazirgi tańda oryndalý ústinde.
