2022 jyly QR Qorǧanys Ministrlıgı Qaruly Küşter qatarynda äskeri qyzmette belgılengen merzımde qyzmet etken azamattarǧa bılım beru jeŋıldıkterın jasau turaly bastama köterdı. Ortalyq kommunikasiialar qyzmetı alaŋynda ötken brifing barysynda Qorǧanys ministrınıŋ keŋesşısı Aigül Tölembaeva äskeri qyzmetşılerge qandai jeŋıldıkter jasalatyny turaly aitty, dep habarlaidy «Adyrna» tılşısı.
«Äskerde qyzmet etkennen keiın olar zapastaǧy qatardaǧy jauynger bolady, al eger olar ofiserlık şen almaq bolsa, onda äskeri kafedraǧa tüsıp, zapastaǧy leitenant bola alady», – dedı spiker.Būdan basqa, merzımdı äskeri qyzmet ötkergen jäne joǧary nätije körsetken adamdar emtihansyz QR QM äskeri oqu oryndaryna tüse alady. Jastarǧa jeŋıldıkter alu üşın HQKO-larda berıletın merzımdı äskeri qyzmettı ötkeru turaly anyqtamany jäne äskeri bilettıŋ köşırmesın, sondai-aq JOO-ǧa qajet qūjattardy ūsynady.
«Qazırgı uaqytta Qorǧanys ministrlıgınıŋ bastamasyn el boiynşa 40-qa juyq JOO qoldady, olarmen 100% jeŋıldık beru turaly kelısımderge qol qoiyldy. Jalpy oryndar sany 3 myŋǧa juyq», - dedı Aigül Tölembaeva.
