2022 jyly QR Qorǵanys Mınıstrligi Qarýly Kúshter qatarynda áskerı qyzmette belgilengen merzimde qyzmet etken azamattarǵa bilim berý jeńildikterin jasaý týraly bastama kóterdi. Ortalyq kommýnıkaııalar qyzmeti alańynda ótken brıfıng barysynda Qorǵanys mınıstriniń keńesshisi Aıgúl Tólembaeva áskerı qyzmetshilerge qandaı jeńildikter jasalatyny týraly aıtty, dep habarlaıdy «Adyrna» tilshisi.
«Áskerde qyzmet etkennen keıin olar zapastaǵy qatardaǵy jaýynger bolady, al eger olar ofıerlik shen almaq bolsa, onda áskerı kafedraǵa túsip, zapastaǵy leıtenant bola alady», – dedi spıker.
Budan basqa, merzimdi áskerı qyzmet ótkergen jáne joǵary nátıje kórsetken adamdar emtıhansyz QR QM áskerı oqý oryndaryna túse alady.
Jastarǵa jeńildikter alý úshin HQKO-larda beriletin merzimdi áskerı qyzmetti ótkerý týraly anyqtamany jáne áskerı bılettiń kóshirmesin, sondaı-aq JOO-ǵa qajet qujattardy usynady.
«Qazirgi ýaqytta Qorǵanys mınıstrliginiń bastamasyn el boıynsha 40-qa jýyq JOO qoldady, olarmen 100% jeńildik berý týraly kelisimderge qol qoıyldy. Jalpy oryndar sany 3 myńǵa jýyq», - dedi Aıgúl Tólembaeva.
