Täuelsızdık alǧannan bergı jyldardy Qazaqstannan, şamamen, 100 millird dollar zaŋsyz şyǧarylǧan. Būl turaly ūlttyq ekonomika ministrı Älıbek Quantyrov aitty, dep habarlaidy “Adyrna” ūlttyq portaly
"Elımızge tartylǧan tıkelei şeteldık investisiialardy alatyn bolsaq, onyŋ kölemı ülken, 30 jyldyŋ ışınde 400 milliard dollardan asady. Bıraq ondaǧan milliard şyǧarylǧan, şamamen, 100 milliard, odan säl köpteu şyǧar", - dedı Quantyrov brifingte.
Sondai-aq, qazır şeteldegı kapitaldy qaitaru boiynşa arnaiy komissiia jūmys ıstep jatyr. Al Ädılet ministrı Qanat Musin aldaǧy uaqytta qarjynyŋ qaitarudyŋ naqty tetıkterı engızıletının aitty.
"Bügınde şeteldegı kapitaldy qaitaru joldary qaralyp jatyr. Būl oŋai şarua emes. Ony bırden şeşuge bolady dep aita almaimyn. Bıraq qajettı şaralardyŋ bärı atqarylyp jatyr", - dep atap körsettı Musin.
Kapitaldy qaitaru şaralarynyŋ ışınde salyqtyq jäne salyqtan tys yntalandyru tetıkterı bar.
"Qazırgı kezde bız salyqtyq yntalandyru boiynşa belsendı jūmys ıstep jatyrmyz. Bır jaǧynan aqşany jylystatuǧa tosqauyl qoiamyz. Mäselen, salyqtyq şaralardyŋ bırı – ol dividendter boiynşa jeŋıldıkterdı alyp tastau. Būryn investorlar ony töleimeitın. Ony bas kompaniiaǧa şyǧaruǧa nemese belgılı bır qyzmetterdı satyp aluǧa mümkındık bolǧan. Bız salyqtyq jeŋıldıkter de jasaimyz", - deidı ministr Quantyrov.
Qazırgı kezde Ūlttyq ekonomika ministrlıgı Salyq kodeksıne özgerıster engızu boiynşa zaŋ jobasyn äzırleuge kırıstı.
“Adyrna” ūlttyq portaly
