24 qańtarda, búgin, ótken Úkimet otyrysynda Túrkistan oblysynyń ákimi Darhan Satybaldy bolǵan jaǵdaıdy málimdedi. Ákim tonnalap úsitip alǵan kókónistiń esebin berdi, dep habarlaıdy "Adyrna" ulttyq portaly.
Jýrnalıster ákimnen oblys jylyjaılaryndaǵy kókónisti qalaı jappaı úsik shalǵanyn surady.
"Soıqan sýyqtyń kelgenin bilesizder, ońtústik óńirlerde sońǵy 50 jylda mundaı sýyq bolmaǵan edi", - dep jaýap berdi Darhan Satybaldy.
Ákim qalyń jaýǵan qardyń áserinen jylyjaılardyń aqyry men irgesiniń búlingenin atap ótti. Jıǵan-tergen ónimniń bir bóligi qar astynda qalǵan.
"43 gektar jer zardap shekti, zardap shekken 33 gektar sharýa qojalyǵynyń jylyjaıyn dıqandar ózderi kótergen. Qujaty joq. Bir jany qulaǵan, biraq ol jerge kóshet otyrǵyzylmaǵany belgili boldy. Oryndar bop-bos. 3,7 gektarǵa kóshet, qulpynaı, qyzanaq, qııar egilgen. Bular da sharýa qojalyqtarynyń qujatsyz jylyjaılary. Biraq biz bárine kómektesemiz", - dedi Túrkistan oblysynyń ákimi óz sózinde.
"Adyrna" ulttyq portaly
