Saıram aýdany ákimdiginiń qyzmetkerleri máselesin aıtyp kelgen áıelge dóreki sóılegen vıdeo tarady

3390
Adyrna.kz Telegram
Foto: vıdeodan alyndy
Foto: vıdeodan alyndy

Saıram aýdany ákimdiginiń qyzmetkerleri máselesin aıtyp kelgen áıelge dóreki sóılegen. Bul týraly Facebook paraqshasyna Túrkistandyq jas belsendi jarııalady, dep habarlaıdy “Adyrna” ulttyq portaly. 

Vıdeoda qyzmetkerler dóreki sóılep, tipti áıeldi jylatyp qoıǵan.

“Saıram aýdanynyń ákimdigi halyqpen qalaı sóılesý kerektigin bile me ózi? Myna vıdeoda aýdan ákimdiginiń bir top qyzmetkeri máselesin aıtyp kelgen áıeldi, jan-jaqtan julmalap jatyr. Memlekettik qyzmet etıkasyna saı kelmeıtin sózdermen áıeldiń namysyna tıip turǵandaı.

Osy vıdeodan túıgenim: Jańa Qazaqstan Saıram aýdanyna áli kelmegen sııaqty. Ótkende oblys ákiminiń eseptik jıynynda shaqyrylmaǵan turǵynǵa suraq qoıǵyzbaı súırelep edi. Endigi jaǵdaı mynaý.
Halyq oblys ákimi turmaq, aýdan ákiminiń mańyna jolaı almaı júrgende, ashyqtyq týraly áńgime aıtýdyń ózi artyq”,- dep jazdy belsendi Aıka Aıtahanova.

Pikirler