Türkıstan oblysynda 38,5 mln teŋge atauly äleumettık kömek zaŋsyz tölengen. Būl turaly öŋırlık kommunikasiia qyzmetınde ötken brifingıde jūmyspen qamtudy üilestıru jäne äleumettık baǧdarlamalar basqarmasynyŋ basşysy Äsiia Temırbaeva mälımdedı, dep habarlaidy “Adyrna” ūlttyq portaly.
Tügendeu jūmystarynyŋ barysynda 22 myŋnan astam atauly äleumettık kömek taǧaiyndaulary tekserılıp, zaŋsyz tölengen 38,5 mln teŋgenıŋ 27 mln teŋgesı biudjetke qaitarylǧan. Äsırese, Maqtaral, Saryaǧaş, Keles, Qazyǧūrt, Jetısai audandary men Türkıstan, Kentau qalalarynda zaŋ būzuşylyqtar köptep oryn alǧan.
Sonymen bırge memlekettık granttardy beru zaŋdylyǧyn tekseru kezınde de zaŋsyzdyqtar anyqtalyp, 18,1 mln teŋgenıŋ 11,2 mln teŋgesı biudjetke qaitqan. Mäselen, 27 adam ekı ret grant alsa, 31 adam tūraqty jūmysy bola tūra grant iegerı dep tanylǧan. Sondai-aq, olardyŋ 90 paiyzy mındettı tölemderdı uaqtyly audarmaǧan.
“Şart boiynşa aqşany qūrylysqa, sauda-sattyqqa jäne toi-tomalaqqa jūmsauǧa bolmaidy. Köpşılıgı «men bılmedım, menıŋ jaǧdaiym tömen edı, emdeluge jūmsadym» dep aqtalǧysy keledı. Degenmen, zaŋnyŋ aty – zaŋ. Qarjy tek maqsatty türde jūmsaluy qajet. Ūsynylǧan biznes jospardan auytquǧa bolmaidy”, - dedı Äsiia Qūralqyzy.Äsiianyŋ aituynşa, biyl 1 qyrküiekte oblysta 32,1 myŋ az qamtylǧan otbasyǧa 8,7 mlrd teŋgege AÄK körsetılgen. Eŋbekke jaramdy 51 222 AÄK aluşynyŋ 35 302 adam jūmyspen qamtyldy. Sondai-aq, AÄK aluşylardyŋ 1-6 jasqa deiıngı 47,8 myŋ balaǧa 1,9 mlrd teŋgege kepıldendırılgen äleumettık toptama taǧaiyndalǧan.
”Adyrna” ūlttyq portaly
Ūqsas jaŋalyqtar
