Qazaqstan syrtqy ıster ministrlıgı İran İslam Respublikasyna sapar jasauǧa qatysty ūsynymdaryn jariialady, dep habarlaidy "Adyrna" ūlttyq portaly.
İrandaǧy jaǧdaidyŋ tūraqsyz bolyp otyrǧanyna bailanysty ministrlık Qazaqstan azamattaryna jaǧdai tūraqtalǧanǧa deiın İranǧa barudan uaqytşa bas tartudy ūsynady.
«Qazırgı uaqytta İranda jürgen Qazaqstan azamattaryna elden şyǧudy, sondai-aq qauıpsızdık şaralaryn küşeitudı, abai boludy, jaŋalyqtardy qadaǧalaudy jäne jergılıktı bilık organdarynyŋ ūsynymdaryn qataŋ saqtaudy ūsynamyz», – delıngen ministrlıktıŋ habarlamasynda.
Sonymen qatar, syrtqy ıster ministrlıgı Qazaqstan azamattaryna Taiau Şyǧys elderıne saparlardy josparlau kezınde qazırgı jaǧdaidy jäne onyŋ kenetten şielenısu mümkındıgın eskere otyryp, oilanyp, jauapkerşılıkpen qaraudy eskertedı.
Habarǧa säikes, Qazaqstannyŋ İrandaǧy diplomatiialyq mekemelerı qalypty rejimde jūmys ıstep jatyr. Qosymşa jäne jedel aqparat alu üşın İrandaǧy Qazaqstan azamattary men olardyŋ tuystary üşın bailanys jelılerı aşylǧan.
