Abaı atyndaǵy QazUPÝ-da IýNESKO qorǵaýyndaǵy Qazaqstannyń tarıhı jáne mádenı murasyn qorǵaý jónindegi jumys tobynyń ekinshi otyrysy ótti.
Jıynǵa QR Mádenıet jáne aqparat mınıstri Aıda Balaeva tóraǵalyq etti.
Otyrysqa oblys ákimderiniń orynbasarlary, ortalyq memlekettik organdardyń ókilderi, Qazaqstan Respýblıkasynyń IýNESKO jáne ISESKO isteri jónindegi Ulttyq komıssııasynyń músheleri, sondaı-aq ǵalymdar, arheologtar men qoǵamdyq uıym ókilderi qatysty.
Qatysýshylar materıaldyq emes mádenı jáne dúnıejúzilik murany qorǵaý sharalaryn jaqsartýǵa baǵyttalǵan is-sharalar josparyn, sondaı-aq IýNESKO-nyń «Álem jady» halyqaralyq baǵdarlamasyn júzege asyrý máselelerin talqylady.
Aıda Balaeva IýNESKO Konvenııalarymen bekitilgen mindettemelerdi oryndaýdyń mańyzdylyǵyn atap ótti. Mınıstr barlyq deńgeılerde úılesimdi jumys qajettigin jáne materıaldyq emes mádenı murany anyqtaý men damytý daǵdylary boıynsha kadrlardy daıarlaý úshin bilikti sarapshylardy tartýdyń mańyzdylyǵyn aıtty.
«Eń aldymen, mamandardyń biliktiligin arttyrý boıynsha jumysty kúsheıtýimiz qajet. Oqytý mazmundy jáne paıdaly bolýy tıis. Jedel túrde oqý modýlderin daıyndap, óńirlik jáne ortalyq deńgeıde kýrstar ótkizýge kirisýimiz kerek», – dedi mınıstr.
Qazaqstannyń Materıaldyq emes mádenı murany qorǵaý jónindegi Ulttyq komıteti tóraǵasynyń orynbasary Rústem Muzafarov, Qazaqstannyń Dúnıejúzilik murasy jónindegi komıtettiń tóraǵasy Gúlmıra Muhtarova jáne IýNESKO-nyń «Álem jady» baǵdarlamasy boıynsha Ulttyq komıtetiniń tóraǵasy Ǵazıza Nurǵalıeva qatysýshylarǵa óz jumys josparlaryn usyndy.
Jospar aıasynda jergilikti atqarýshy organdardyń mamandary men etnomádenı birlestik ókilderiniń biliktiligin arttyrý, sondaı-aq materıaldyq emes mádenı murany zertteý jáne nasıhattaý qarastyrylǵan.
Qatysýshylar pikir almasyp, aldaǵy jumystyń basym baǵyttaryn aıqyndady.
Jıyn sońynda usynylǵan sharalardy engizý, barlyq múddeli taraptardyń kúsh-jigerin úılestirý jáne Qazaqstannyń mádenı murasyn qorǵaý boıynsha is-sharalar keshenin tıimdi júzege asyrý úshin naqty usynystar ázirleý máseleleri talqylandy.
