Äielder üşın qauıpsız elder reitıngınde Qazaqstan körsetkışı tömendedı. Eseptı Djordjtaun Äielder, beibıtşılık jäne qauıpsızdık instituty ekı jylda bır ret şyǧarady. Būl turaly Ranking.kz jariialady, dep habarlaidy “Adyrna” ūlttyq portaly.
Äielder üşın beibıtşılık pen qauıpsızdıktıŋ jahandyq indeksıne säikes, 2023 jyly eŋ naşar elder Taiau Şyǧys pen Afrika memleketterı boldy.Tömen ūpaidyŋ negızgı faktorlary – ana ölımınıŋ joǧary deŋgeiı, bılım deŋgeiınıŋ tömendıgı jäne zorlyq-zombylyq deŋgeiınıŋ joǧarylauy. Äielder üşın eŋ naşar elder Auǧanstan (0,286 ūpai) jäne Iemen (0,287 ūpai) boldy.
Tızımge sonymen qatar OAR (0,378 ūpai), Kongo (0,384 ūpai), Oŋtüstık Sudan (0,388 ūpai), Burundi (0,394 ūpai), Siriia (0,407 ūpai), Esvatini (0,415 ūpai), Somali (0,417 ūpai) jäne İrak (0,424 ūpai) kırdı.
Qazaqstan öz pozisiiasyn naşarlatty: 59-şy orynnan bırden 70-şı orynǧa tömendedı, al indeks 0,761-den 0,729-ǧa deiın azaidy. OA jäne EAEO memleketterınıŋ arasynda Qazaqstannan joǧary Armeniia (0,772 ball), Resei (0,752 ball), Belarus (0,733 ball) jäne Türıkmenstan (0,75 ball) ornalasqan.
Qazaqstannan tömen Täjıkstan (0,69 ball), Özbekstan (0,674 ball) jäne Qyrǧyzstan (0,673 ball) tūr.
