Qūlsary qalasyndaǧy janarmai qūiu beketınde 30 mamyrda oryn alǧan joiqyn jarylystan zardap şekkenderdıŋ sany 16 adamǧa jettı, dep habarlaidy "Adyrna" ūlttyq portaly.
Būl turaly Atyrau oblysy äkımdıgınıŋ baspasöz qyzmetı mälımdedı.
Alǧaşqyda jaralanǧandar sany 14 adam dep habarlanǧan edı, alaida keiın būl körsetkış artty.
Atyrau oblystyq Tötenşe jaǧdailar departamentınıŋ mälımetınşe, jarylys gaz tasymaldauşy kölıkten janarmai beketınıŋ rezervuaryna gaz qūiylyp jatqan sätte oryn alǧan. Kenetten tūtanǧan jalyn janarmai beketınıŋ aumaǧyndaǧy ekı ǧimaratqa taralyp, jalpy 450 şarşy metr aumaqty ört şarpyǧan.
"Qazır örttıŋ naqty sebepterın anyqtau üşın oblystyq jäne audandyq tötenşe jaǧdailar bölımınen 6 maman oqiǧa ornynda jūmys jürgızıp jatyr", – dedı oblystyq TJD bastyǧynyŋ orynbasary Nariman Öteşov.
Jarylystan jaralanǧandar arasynda 25 pen 75 jas aralyǧyndaǧy azamattar bar. Olardyŋ denelerınıŋ 5%-dan 22%-ǧa deiıngı bölıgın küiık şalǧan. Jylyoi audandyq auruhanasynyŋ direktory Asūlan Abdrahmanovtyŋ aituynşa, 5 adam audandyq auruhanada em qabyldap jatyr, 6 adam ambulatoriialyq emdeluge üiıne jıberılgen, 3 nauqas oblystyq auruhanaǧa auystyrylǧan.
"Barlyq pasientterdıŋ jaǧdaiy tūraqty, ömırlerıne qauıp joq", – dedı därıger.
Qazırgı uaqytta oqiǧanyŋ män-jaiy anyqtalyp jatyr. Tiıstı organdar tarapynan tergeu jūmystary bastaldy.
Ūqsas jaŋalyqtar
