Aqtóbe oblysynyń Oıyl aýdanynda jerasty gaz ısternasy jaryldy. Onyń saldarynan janarmaı quıý beketi men jaqyn jerdegi ǵımarat órtendi. Bul týraly oblystyq tótenshe jaǵdaılar departamenti aıtty, dep habarlaıdy «Adyrna» tilshisi.
Oqıǵa 11 sáýirde saǵat 20:20 shamasynda bolǵan.
«Oıyl aýylynyń shetinde gaz ballony jarylyp, artynsha janarmaı quıý beketi órtenip, ol jaqyn mańdaǵy qosalqy ǵımaratqa ulasty. Oqıǵa ornyna oblystyq Tótenshe jaǵdaılar departamenti men Oıyl aýdandyq polıııasynyń qyzmetkerleri bardy. Zardap shekkender joq. Ónerkásiptik qaýipsizdik departamenti oqıǵanyń sebepterin anyqtaý úshin tekserý júrgizedi»,—delingen habarlamada.
Aqtóbe oblysy, sonyń ishinde Oıyl aýdany - sońǵy aptalarda sý tasqynynan zardap shekken aımaq.
