Koreiaǧa jūmys ısteuge ketken otandasymyz bır jarym jyldan berı tabylmai jatyr, dep habarlaidy «Adyrna» tılşısı «Astana» telearnasyna sılteme jasap.
Şyǧys Qazaqstan oblysynyŋ tumasy alǧaşqy kezde anasymen tūraqty habarlasyp tūrǧan. Tapqan tabysyn jıberıp otyrǧan. Endı ata-ana qyzynan habar ala almai jürgenın aitady.
Albina Kabduldina esepşı mamandyǧyn meŋgerıp, sauda üiınde satuşy bolyp jūmys ıstedı. Joldasy qaitys bolyp, 13 jastaǧy jalǧyz qyzymen qalady. Anasyna baspana alyp bermek nietpen tabysy köp jūmys ızdeidı. Osy maqsatta 2019 jyly Koreiaǧa ketedı.
«Ünemı bailanysta boldy. Bır emes, ekı ret şyǧatyn. Jūmys ornyn körsetetın. Qaida ıstep jatqanyn, zauyttaryn körsetetın. Pandemiia uaqytynda vizasymen problema boldy. Sol kezde şyǧa almai qaldym dedı. Bıraq bastyqtary kerek zatty äkep beretının aitqan. Pusan, Seul degen qalalardy jūmys tabu üşın auystyryp otyrdy. Üige qait degenımde: «Mam, üige barǧanda ne ısteimın, tabys joq»,—dep jauap beretın. Äiteuır kelgennen keiın bırdeŋesın jinap, terıp, bırdeŋe alamyz dep sondai nietpen kettı ǧoi»,—deidı arudyŋ anasy.35 jastaǧy Albinamen bailanys 2021 jyldyŋ 13 mausymynda üzıldı. Özın qoiarǧa jer tappaǧan ana qyzyn tauyp beremın degen ailakerlerge tap bolyp, 10 mlnǧa juyq aqşa bergen.
«Mıne, 1 jarym jyl boldy. Qaida ekenın bılmeimın. Barlyq mümkındıktı jasadyq. Dünienıŋ aqşasyn jıberdık. Bır äiel bolysamyn dep ülken aqşaǧa aldap kettı. Endı kımge senuge, ne ısteuge bolatynyn blmeimın», – dep mūŋymen bölıstı Aigül Bolsaeva.Anasynyŋ baspaǧan tabaldyryǧy, aşpaǧan esıgı qalmady. Zaŋsyz migranttardyŋ qūqyǧyn qorǧaityn «Koreia kömek» qaiyrymdylyq qorynyŋ müşesı Samat Ahmetov te otandasymyzdy ızdeuge atsalysyp keledı.
«Albina degen qaryndasymyzdy da QR Oŋtüstık Koreiadaǧy elşılıgı öte jaqsy kömektesıp, barlyq jerge aqparattardy taratyp, tergeu jäne qūqyq qorǧau organdarymen 3-4 ret kezdesu ötkızdı. Bızdıŋ özımız «Koreia kömek» qory Albinanyŋ mamasymen tıkelei bailanys ornatyp, Koreianyŋ 72 mäiıthanasyna baryp, ölgenderdıŋ arasynda bälkım bar şyǧar dep ızdedık, alaida ölgenderdıŋ qatarynda da, migrasiialyq bölımge, türmege tüskenderdıŋ qatarynda da qaryndasymyzdyŋ joq bolyp şyqty», – deidı ol.Qazır Oŋtüstık Koreiada 37 myŋnan astam qazaqstandyq bar. Olardyŋ 11 myŋy zaŋsyz migrant. Jylyna sol elde ız-tüzsız joǧalatyn jergılıktı jäne şetel azamattardyŋ sany 11 myŋnan asady.
Ūqsas jaŋalyqtar
