Abaı oblysynyń Aıagóz aýdanynda sýǵa ketken úsh adam izdestirilýde, dep habarlaıdy "Adyrna" ulttyq portaly oblys ákimdiginiń baspasóz qyzmetine siltep.
«Aıagóz aýdanynda birden eki baǵytta eki jedel-izdestirý sharasy júrgizilýde. Oqıǵa ornyna dereý Abaı oblysy Tótenshe jaǵdaılar departamentiniń Jedel-qutqarý jasaǵynyń qyzmetkerleri jóneltildi», - delingen habarlamada.
«Shyǵys» sharýa qojalyǵynan at mingen er adam Aıagóz ózeninen ótip bara jatyp qulap, sýǵa batyp ketken.
Borly ózeninen ótip bara jatqan traktor mingen eki er adam da sýda joǵalyp ketken. Olar «Shalqar» sharýa qojalyǵynan Qaraǵash aýylyna qaraı bet alǵan bolatyn.
Sý aıdyndarynyń kóktemgi lastanýyna baılanysty ózen aǵynynyń jyldamdyǵy men sý astyndaǵy kórinýdiń nasharlaýynan súńgýir arqyly izdeý jumystary qıyndady, dep habarlady ákimdik.
Izdestirý jumystaryna Abaı oblystyq Tótenshe jaǵdaılar departamenti, polıııa departamenti, jergilikti polıııa qyzmeti, Qorǵanys mınıstrliginiń kúshteri men quraldary, barlyǵy 41 adam, 4 júzý kemesi, 5 birlik tehnıka, 3 ushqyshsyz ushý apparaty jumyldyrylýda. Aıagóz aýdanyna psıhologııalyq kómek kórsetý úshin Abaı oblysy Tótenshe jaǵdaılar departamentiniń psıhologtary jiberildi.
Sonymen qatar, Aıagóz aýdanynda Aıagóz – Bozaı jergilikti tas jolynyń 20 shaqyrymynda Aıagóz ózenindegi sý deńgeıiniń kóterilýine baılanysty kópirdiń jol bóligin shaıyp ketken.
«Qazir kópir arqyly kólik qatynasy joq. Shekteý belgileri qoıylyp, jol polıııasynyń baqylaýy uıymdastyryldy», - dep habarlady vedomstvodan.
Turǵyndardy ózennen ótkizý úshin aýdanǵa Tótenshe jaǵdaılar bóliminiń qyzmetkerleri jóneltildi. Al Aıagóz aýdanynyń ákimdigi jergilikti jerde tótenshe jaǵdaı jarııalady.
