Abai oblysynyŋ Aiagöz audanynda suǧa ketken üş adam ızdestırılude, dep habarlaidy "Adyrna" ūlttyq portaly oblys äkımdıgınıŋ baspasöz qyzmetıne sıltep.
«Aiagöz audanynda bırden ekı baǧytta ekı jedel-ızdestıru şarasy jürgızılude. Oqiǧa ornyna dereu Abai oblysy Tötenşe jaǧdailar departamentınıŋ Jedel-qūtqaru jasaǧynyŋ qyzmetkerlerı jöneltıldı», - delıngen habarlamada.
«Şyǧys» şarua qojalyǧynan at mıngen er adam Aiagöz özenınen ötıp bara jatyp qūlap, suǧa batyp ketken.
Borly özenınen ötıp bara jatqan traktor mıngen ekı er adam da suda joǧalyp ketken. Olar «Şalqar» şarua qojalyǧynan Qaraǧaş auylyna qarai bet alǧan bolatyn.
Su aidyndarynyŋ köktemgı lastanuyna bailanysty özen aǧynynyŋ jyldamdyǧy men su astyndaǧy körınudıŋ naşarlauynan süŋguır arqyly ızdeu jūmystary qiyndady, dep habarlady äkımdık.
Izdestıru jūmystaryna Abai oblystyq Tötenşe jaǧdailar departamentı, polisiia departamentı, jergılıktı polisiia qyzmetı, Qorǧanys ministrlıgınıŋ küşterı men qūraldary, barlyǧy 41 adam, 4 jüzu kemesı, 5 bırlık tehnika, 3 ūşqyşsyz ūşu apparaty jūmyldyryluda. Aiagöz audanyna psihologiialyq kömek körsetu üşın Abai oblysy Tötenşe jaǧdailar departamentınıŋ psihologtary jıberıldı.
Sonymen qatar, Aiagöz audanynda Aiagöz – Bozai jergılıktı tas jolynyŋ 20 şaqyrymynda Aiagöz özenındegı su deŋgeiınıŋ köterıluıne bailanysty köpırdıŋ jol bölıgın şaiyp ketken.
«Qazır köpır arqyly kölık qatynasy joq. Şekteu belgılerı qoiylyp, jol polisiiasynyŋ baqylauy ūiymdastyryldy», - dep habarlady vedomstvodan.
Tūrǧyndardy özennen ötkızu üşın audanǧa Tötenşe jaǧdailar bölımınıŋ qyzmetkerlerı jöneltıldı. Al Aiagöz audanynyŋ äkımdıgı jergılıktı jerde tötenşe jaǧdai jariialady.
Ūqsas jaŋalyqtar
Qyrǧyzstan su berudı toqtatty. Bızdı suǧa bailanysty körşı eldermen alda qiyn kelıssözder kütıp tūr.
