Ońtústik Koreıa prezıdenti Iýn Sok Ioldiń jaqtastary mıtıngke shyqty, dep habarlaıdy "Adyrna" ulttyq portaly Yonhap agenttigine silteme jasap.
Agenttiktiń málimetinshe, prezıdentke qamaýǵa alý orderi berilgennen keıin, onyń jaqtastary sot ǵımaratynyń terezelerin syndyryp, ishke basyp kirgen. Keıbireýleri polıııa qyzmetkerlerine qaraı plastık oryndyqtar, qoqys jáne basqa da zattar laqtyrǵan.
Polıııa prezıdenttiń jaqtastary mıtıng ótkizgen aımaqtarda qaýipsizdikti qamtamasyz etý úshin júzdegen qyzmetkerdi jumyldyrǵan.
Quqyq qorǵaý organdarynyń málimeti boıynsha, senbi kúni sotta tyńdaý ótip jatqan ǵımarattyń mańyna memleket basshysyn qoldaýǵa shamamen 44 myńǵa jýyq adam jınalǵan. OLar Ońtústik Koreıa men AQSh-tyń jalaýlaryn ustap alyp, prezıdenttiń atyn aıtyp aıǵaılaǵan. Keıbir narazylyq bildirýshiler jylasa, basqalary polıııamen qaqtyǵysqa túsken.
Tyńdaý aıaqtalǵannan keıin Iýn tergeý ızolıatoryna oralý úshin sot ǵımaratynan shyqqanda, onyń jaqtastary tergeýshilerge tıesili bolýy múmkin kólikterdi bógep, ony qamaýǵa alǵan sybaılas jemqorlyqqa qarsy tergeý basqarmasyn taratýǵa shaqyrǵan.
Olar kólikterdiń esik tutqalaryn zaqymdap, dóńgelekterin tesken.
Eske sala keteıik, 15 qańtar kúni Ońtústik Koreıa prezıdenti Iýn Sok Iol "búlik jasady" degen aıyppen qamaýǵa alynǵan edi.
