Reseı syrtqy ister mınıstrligi Bashar Asadtyń Sırııa prezıdenti qyzmetinen ketkenin resmı túrde jarııalady, dep habarlaıdy "Adyrna" ulttyq portaly KazTAG-qa silteme jasap.
«Asad prezıdenttik qyzmetten ketip, bılikti beıbit jolmen berý týraly sheshim qabyldady», – dep málimdedi Reseı SIM.
Buǵan deıin Bashar Asadtyń Sırııadan qashyp ketkeni jáne bılikti qarýly oppozıııanyń basyp alǵany týraly habarlanǵan bolatyn.
Eske sala keteıik, bıyl qarasha aıynda elordada Sırııa daǵdarysyn retteýge baǵyttalǵan Astana proesiniń 22-kezdesýi ótken bolatyn. Bul jıynǵa kepilger elder – Reseı, Túrkııa jáne Iran delegaııalary, sondaı-aq Sırııa úkimeti men oppozıııa ókilderi jáne baqylaýshylar qatysqan edi.
Kelissózder barysynda Sırııadaǵy qaqtyǵystardy toqtatý, gýmanıtarlyq kómek kórsetýdi qamtamasyz etý, ınfraqurylym nysandaryn qalpyna keltirý, halyqty sý jáne jaryqpen qamtamasyz etý máseleleri qarastyrylyp, taraptar beıbit kelisimge kelý maqsatynda pikir almasty.
Kezdesý qorytyndysy boıynsha kepilger elder birlesken málimdeme jasap, Sırııa daǵdarysyn sheshýde halyqaralyq quqyq normalaryn saqtaý jáne qaqtyǵystardy tek beıbit jolmen retteý qajettigin atap ótken. Endigi jaǵdaıda Astana proesiniń aıaǵy ne bolary belgisiz. Bálkim, Asadtyń bılikten ketýi birneshe jyldan beri úzbeı júrgizilip kele jatqan kelissózdiń aqyry bolar, bul týraly ázirge naqty aıtylmady.
