Resei syrtqy ıster ministrlıgı Başar Asadtyŋ Siriia prezidentı qyzmetınen ketkenın resmi türde jariialady, dep habarlaidy "Adyrna" ūlttyq portaly KazTAG-qa sılteme jasap.
«Asad prezidenttık qyzmetten ketıp, bilıktı beibıt jolmen beru turaly şeşım qabyldady», – dep mälımdedı Resei SIM.
Būǧan deiın Başar Asadtyŋ Siriiadan qaşyp ketkenı jäne bilıktı qaruly oppozisiianyŋ basyp alǧany turaly habarlanǧan bolatyn.
Eske sala keteiık, biyl qaraşa aiynda elordada Siriia daǧdarysyn retteuge baǧyttalǧan Astana prosesınıŋ 22-kezdesuı ötken bolatyn. Būl jiynǧa kepılger elder – Resei, Türkiia jäne İran delegasiialary, sondai-aq Siriia ükımetı men oppozisiia ökılderı jäne baqylauşylar qatysqan edı.
Kelıssözder barysynda Siriiadaǧy qaqtyǧystardy toqtatu, gumanitarlyq kömek körsetudı qamtamasyz etu, infraqūrylym nysandaryn qalpyna keltıru, halyqty su jäne jaryqpen qamtamasyz etu mäselelerı qarastyrylyp, taraptar beibıt kelısımge kelu maqsatynda pıkır almasty.
Kezdesu qorytyndysy boiynşa kepılger elder bırlesken mälımdeme jasap, Siriia daǧdarysyn şeşude halyqaralyq qūqyq normalaryn saqtau jäne qaqtyǧystardy tek beibıt jolmen retteu qajettıgın atap ötken. Endıgı jaǧdaida Astana prosesınıŋ aiaǧy ne bolary belgısız. Bälkım, Asadtyŋ bilıkten ketuı bırneşe jyldan berı üzbei jürgızılıp kele jatqan kelıssözdıŋ aqyry bolar, būl turaly äzırge naqty aitylmady.
Ūqsas jaŋalyqtar
