Prezident Qasym-Jomart Toqaev Palestina memleketınıŋ joǧary sudiasyn qabyldady, dep habarlaidy "Adyrna" ūlttyq portaly.
Palestina memleketınıŋ joǧary sudiasy, prezidenttıŋ dın ısterı jönındegı keŋesşısı Mahmūd äl-Habbaşty Qazaqstan Prezidentı qabyldady.
Kezdesu barysynda Prezident diplomatiialyq qarym-qatynas ornaǧan uaqyttan berı Qazaqstan men Palestina arasyndaǧy yntymaqtastyq dostyq, özara qūrmet pen qoldau ruhynda damyp kele jatqanyn atap öttı.
Qasym-Jomart Toqaev Qazaqstan Palestinany halyqaralyq qauymdastyqtyŋ tolyqqandy müşesı retınde tanuǧa baǧyttalǧan bastamalardy tūraqty türde qoldaitynyn jetkızdı. Sonymen qatar Memleket basşysy Taiau Şyǧystaǧy jaǧdaidy BŪŪ Jarǧysy men halyqaralyq qūqyq normalaryna sai diplomatiialyq jolmen retteu qajettıgın jäne «ekı halyq üşın – ekı memleket» qaǧidaty negızınde Palestina memleketın qūrudy jaqtaitynyn mälımdedı.
Kezdesu barysynda Mahmūd äl-Habbaş Palestina Prezidentı Mahmūd Abbastyŋ Qasym-Jomart Toqaevqa joldaǧan hatyn tabystap, Qazaqstannyŋ Palestina halqyna körsetıp otyrǧan tūraqty qoldauy üşın alǧys bıldırdı.
Kezdesu soŋynda Memleket basşysy Palestina prezidentı Mahmūd Abbasqa ızgı sälemın joldap, ony Qazaqstanǧa resmi saparmen keluge şaqyrdy.
