2023 jylǵy 1 qańtardan bastap Prezıdent Qasym-Jomart Toqaevtyń tapsyrmasy boıynsha balabaqsha tárbıeshileriniń, mektep muǵalimderiniń, kolledj oqytýshylarynyń, ádiskerlerdiń, qosymsha bilim berý pedagogteriniń jalaqysy taǵy 25%-ǵa ósti. Osylaısha, muǵalimderdiń jalaqysy qazirgi ýaqytta eki esege artty, dep habarlaıdy «Adyrna» tilshisi Oqý-aǵartý mınıstrligine silteme jasap.
«El Prezıdentiniń qoldaýy arqasynda muǵalimderdiń jalaqysy jyl saıyn ósip keledi. Sonymen qatar olardyń jalaqysyna qosymsha tólemder belgilendi. Bul - biliktilik sanaty, magıstr dárejesi, pánderdi aǵylshyn tilinde júrgizý, dápterlerdi tekserý, synyp jetekshiligi, jańartylǵan mazmundaǵy jumys jáne tálimgerlik úshin qosymsha tólemder. Muǵalimderdiń jalaqysyn kóterý óz nátıjesin berip jatyr. Pedagog mamandyǵyna ýnıversıtettiń úzdik túlekteri men «Altyn belgi» ıegerleri kele bastady. Bul bolashaqta balalardyń oqýyna oń áserin tıgizedi», - dedi QR Oqý-aǵartý mınıstri Ǵanı Beısembaev.
Dene shynyqtyrý muǵalimderine sabaqtan tys qosymsha sport sekııalaryn ótkizgeni úshin de qosymsha aqy qarastyrylǵan. Bıylǵy qyrkúıek aıynan bastap kadr tapshylyǵy bar óńirlerge tartylǵan muǵalimderge laýazymdyq jalaqysynyń 150% mólsherinde qosymsha tólem belgilendi.
Muǵalimderdiń jalaqysy bilim deńgeıine, biliktiligine, jumys ótiline, oqý júktemesine, magıstr dárejesine jáne basqa da qosymsha tólemderge baılanysty esepteledi.
