Elimizde qaryzyn óteı almaı júrgender 3 naýryzdan bastap bankrottyqqa ótinish bere alady, dep habarlaıdy «Adyrna» tilshisi.
2022 jylǵy 29 jeltoqsanda QR Parlament Senaty «Qazaqstan Respýblıkasy azamattarynyń tólem qabilettiligin qalpyna keltirý jáne bankrottyǵy týraly» Zańdy maquldady.
Ol sottan tys bankrottyǵy, sot bankrottyǵy jáne tólem qabilettiligin qalpyna keltirý rásimderin qarastyrady.
Barlyq úsh rásimdi tek boryshker ǵana bastaıdy, ıaǵnı nesıe berýshi nemese ózge kredıtor boryshkerge qatysty bul rásimderdi qoldanýǵa quqyǵy joq.
5,5 mıllıon teńgeden asatyn qaryzdar boıynsha jáne basqa da bereshek túrleri boıynsha azamattar sot bankrottyǵyna júgine alady. Onyń maqsaty — bankrottyń múliktik massasy esebinen kredıtorlardyń talaptaryn barynsha qanaǵattandyrý.
Bankrottyqtan keıin paıda bolatyn saldar:
– 5 jylǵa nesıeler men kredıtter alý shekteýi;
– 7 jyldan keıin ǵana bankrottyqqa qaıta júginý quqyǵy;
– 3 jyl qarjylyq jaǵdaıyna monıtorıng júrgiziletin bolady.
Aıta keteıik, alıment óndirý, basqa adamnyń ómiri men densaýlyǵyna keltirilgen zııandy óteý, sondaı-aq qylmystyq quqyq buzýshylyqtar úshin keltirilgen zııandy óteý boıynsha bereshekter esepten shyǵarylmaıdy.
