“Ádildik suraımyn”. Muhamedıulynyń isi boıynsha sottalǵan býhgalterdiń uly Toqaevtan kómek surady

3082
Adyrna.kz Telegram

Eks-mádenıet mınıstri Arystanbek Muhamedıulynyń isi boıynsha sottalǵan Aıym Sádýaqasovanyń uly Nurbek Sádýaqasov prezıdent Qasym-Jomart Toqaevtyń atyna ótinish joldady. Bul týraly Sádýaqasov áleýmettik jelidegi parpqshasyna jarııalanǵan, dep habarlaıdy “Adyrna” ulttyq portaly.

Ol óz sózinde prezıdenttiń atyna oryndalmas tilek aıtyp turmaǵanyn, óziniń tek ádildikti suraıtynyn aıtady.

Qazaqstan Respýblıkasynyń prezıdenti Qasym-Jomart Kemeluly, siz elimizdegi Konstıtýııa men ádilettiń kepilisiz. Men, árıne, jańa urpaq retinde, jańa Qazaqstandy qoldaımyn, biraq meniń barlyq úmitim 2023 jyldyń 20 maýsymynda sóndi. Astana qalasynyń qylmystyq ister jónindegi aýdanaralyq soty, dálirek aıtsaq, Arystanbek Muhamedıulynyń 150 mıllıon teńge jymqyrdy degen isi boıynsha meniń anama qatysty qatań ári ádiletsiz úkim shyǵardy. Men tek ádildikti suraımyn, – deldi Sádýaqasov.

Onyń aıtýynsha, bul is qoldan ádeıi jasalǵan. Sot barysynda aıyptaý jáne kýágerler tarapynan eshqandaı aıǵaq bolǵan joq, deıdi ol.

Eske, Exponat JShS bas esepshisi Aıym Sádýaqasova jeti jylǵa bas bostandyǵynan aıyrylǵan edi. Is boıynsha Muhamedıulynan bólek aıyptalýshy retinde onyń orynbasary Almaz Nurashan, Exponat JShS dırektory Azamat Kóshenov pen bas esepshi Aıym Sádýaqasova da bar.Úsheýi de memlekettik qyzmette jumys isteýge tyıym salynyp, jeti jylǵa bas bostandyǵynan aıyrylǵan.

Aıta keteıik, 21 maýsym Arystanbek Muhamedıuly 8 jylǵa bas bostandyǵynan aıyryldy.

 

Pikirler