Nazarbaev pen onyń áýletine, qolynda bıligi bar sheneýnikterge óleń arnap tanylǵan aqyn Baltabek Nurǵalıev orys tiline arnap óleń jazdy. Óleńin ol Facebook paraqshasyna jarııalady, dep habarlaıdy “Adyrna” tilshisi.
Ol óleńniń áýeli oryssha nusqasyn jarııalap, keıin kópshiliktiń pikirinen keıin ol óleńiniń qazaqsha nusqasyn usyndy.
Orys tilim, jasaı ber, orys tilim,
Men ózińdi bilýge boryshtymyn.
Orys tilin bilmesem egerde men,
Túsinbes em ómirde kóp is túbin.
Orys tilim — qanatym qalyqtaǵan,
Orys tilde sóılesem, shabyttanam.
Orys tili — kórkem til, ádemi til,
Ulylyǵyn aıtýdan jalyqpaǵam.
Orys tilde án aıtam, tyıym salma,
Ózim bilem men oǵan syıynsam da.
Orys tili — janymnyń shamshyraǵy,
Orys tilmen sheshiler qıyn sharýa.
Orys tilsiz uqpaspyn zamandardy,
Álemdegi hattardy, habarlardy.
Súıýge de mindetker emespin men,
Orys tilin súımeıtin adamdardy.
Aqynnyń bul óleńine kóptiń kóńilinen shyqpady. Orys tilin maqtap jazǵan óleńine jaǵymsyz pikir kóp jazylýda.
«Eldi qurtatyn, satqyndyq jasaıtyn osyndaı sorlylar!»,«Mynaýyń taza jyndy eken ǵoı», «Orys tilin damytýǵa aqsha bóline me?», , «Satqyndyqta da shek bolmaıdy»,«Baltabek, orys tilin sonshalyqty súıseń Reseıge kóshseı», - dep jazdy kópshilik.
