Qoǧam belsendısı Şolpan Ǧabbasova Qazaqstan halqy assambleiasynyŋ qyzmetıne qatysty azamattyq pıkır bıldırdı. Avtordyŋ aituynşa, assambleia ökılderı Qazaq elınıŋ basyna tüsken syn şaqtarda būǧyp qalyp, qazaq tılı men qazaq topyraǧyna qatysty tartysty taqyryptarda jūmǧan auzyn aşpai keledı, dep jazdy "Adyrna" ūlttyq portaly.
Feisbuk äleumettık jelısınde Şolpan Ǧabbasovanyŋ assambleiaǧa qatysty azamattyq pıkırı tarady. Qazaq elı azamattarynyŋ denı assambleianyŋ taratyluyn qalaidy. Būl jaily avtor:
- Assambleianyŋ qūrylǧannan bergı jūmysy nöl dep esepteimın. Assambleia etnostary özderın, öz tılderı men salt-dästürlerın, mädenietın jarnamalaumen ǧana ainalysty. Ärine, qazaq retınde ol maǧan qyzyq. Bıraq, Qazaqstandaǧy eşbır etnos öz etnosy ışınde qazaq tarihyn, tılın, saltyn ūlyqtauǧa, qazaq ūltynyŋ memlekettı qūrauşy ūlt ekenın, eldıŋ de, jerdıŋ de iesı qazaq ūlty ekenın moiyndauǧa, Qazaqiiada qazaqtar ana tılınde jauap aluǧa, ana tılınde qyzmet körsetuın talap etuge qūqyqty ekenın moiyndauǧa jūmys jürgızbedı. Ūlttar bırlıgı men özara silastyǧyn arttyruda rol atqarmady, Jambyl oblysyndaǧy, Qaraǧandydaǧy, t.b. jerlerdegı qaqtyǧystarda araaǧaiyn bola almady. Orys etnosynyŋ ökılderı qazaqtyŋ tarihyn joqqa şyǧaryp, dombyrasyn syndyryp, qazaq ūltyn qorlaityn, territoriialyq tūtastyǧyna qatysty arandatu sözderın aityp jatqanda jūmǧan auyzdaryn aşpady. Tentekterın tärtıpke şaqyryp, qylmystyq jauapkerşılıkke tartyluyn talap etpedı. Resei şeneunıkterı men saiasatkerlerınıŋ Qazaqstan jaily negızsız qorlau, aiyp sözderın esti otyra ünsız qaldy.Qazaqstanda qazaq tılınıŋ problemasy bar ekenın bıle otyra QHA «Joq, bızdıŋ Qazaqstanda 2023 jyl Qazaq tılı jyly bolsyn, orys tılı jyly boluyna qarsymyz. Qazaq tılıne qoldau kerek» dep aita ala ma eken?Sondyqtan assambleianyŋ jūmysyna beretın nöl degen baǧam oryndy dep oilaimyn jäne halyqtyŋ aqşasynan-biudjetınen bölınıp otyrǧan qarajatty ünemdeu üşın QHA taratylsyn degen talapqa qosylamyn, - dep pıkır bıldırdı.
Oraiy kelgende aita keteiık, Qazaqstan halqy Assambleiasy 1995 jylǧy 1 nauryzda Qazaqstan Respublikasynyŋ Prezidentınıŋ Jarlyǧymen qūrylǧan Memleket basşysy janyndaǧy konsultativtı-keŋesşı organ. Negızınen alǧanda, olardyŋ basty maqsaty memlekettıŋ şaŋyraǧyn kötergen negızgı ūlttyŋ, qazaqtyŋ, töŋıregıne toptasu. Ūlttyq saiasat men ūlttyq müddenıŋ jüzege asuyna qyzmet etu, qoǧamda etnikalyq dürdarazdyqtyŋ tumauy üşın tiımdı saiasat jürgızu bolyp sanalady.
"Adyrna" ūlttyq portaly
Ūqsas jaŋalyqtar
Qazaqstan
Qazaqstan halqy Assambleiasy
diaspora
qazaq elı
assambleia taratylsyn
etnikalyq ūlt ökılderı
