Jambyl oblysyna qarasty Moıynqum aýdanynyń ákim apparaty saılaý kezinde daýys berýge arnalǵan jáshikterdi satyp alýǵa tender jarııalady, dep habarlaıdy Adyrna ulttyq portaly goszakup.gov.kz saıtyna silteme jasap.
Memlekettik satyp alý týraly habarlama 12 tamyz kúni "Jáshik daýys berýge arnalǵan" degen taqyryppen jarııalanǵan. Jeńimpaz kompanııa 19 tamyz kúni anyqtalady. Tehnıkalyq sıpattamaǵa qaraǵanda aýdandyq bıýdjetten bólingen 1 033 750 teńgege tender jeńimpazy parametri 900*500*500mm2 bolatyn eki dana, parametri 400*300*300 mm2 bolatyn 16 dana daýys berýge arnalǵan jáshikter jasap berýi kerek. Iaǵnı, tapsyrys oryndaýshy 18 dana daýys berýge arnalǵan jáshikti 15 kúnniń ishinde Moıynqum aýylyna jetkizedi. Organıkalyq shynydan nemese akrıl materıalynan jasalǵan ár jáshiktiń quny ortasha eseppen 57 myń teńgeni quraıdy.
Saılaý - merzimdik naýqan. Daýys berýge arnalǵan jáshikter eskirip tozatyn, búlinip buzylatyn dúnıe emes. Bizdi "Moıynqum aýdanynda buǵan deıin daýys berýge arnalǵan jáshikter bolmady ma?" degen saýal mazalaıdy. "Bolsa, olar qaıda?". Aýdan ár saılaý saıyn jańa jáshikke tapsyrys berip, memleket qarjysyn ońdy-soldy shasha bere me?
Bul suraqtardy tıisti mekemege joldadyq. Olardan jetken jaýapty da jarııalaıtyn bolamyz.
Abaı Asyl
Adyrna ulttyq portaly
