Bügın palatalardyŋ bırlesken otyrysynda Qazaqstan Respublikasy Premer-Ministrınıŋ orynbasary Qanat Bozymbaev Alatau qalasynyŋ arnauly märtebesıne qatysty Konstitusiialyq zaŋ jobasyn tanystyrdy, dep habarlaidy «Adyrna» ūlttyq portaly.
Zaŋ jobasy Memleket basşysynyŋ 2025 jylǧy Joldauy men Alatau qalasyn damytu turaly Jarlyǧyna säikes äzırlengen. Onyŋ negızgı maqsaty – qalanyŋ jedel ärı tūraqty damuyna jaǧdai jasau.
Jobaǧa säikes, Alatau «qarqyndy damityn qala» retınde arnaiy qūqyqtyq rejimmen damidy. Qala derbes ekojüie retınde qalyptasyp, jeke qarjylyq modelge, arnaiy basqaru jüiesıne jäne jaŋa institusionaldyq negızge süienedı.
Halyqaralyq täjıribe negızınde äzırlengen qūjatta Şenchjen, Singapur, Dubai syndy ırı qalalardyŋ damu ülgılerı eskerılgen. Sarapşylardyŋ aituynşa, mūndai jobalarda basty röldı tiımdı basqaru men keŋ ökılettıkter atqarady.
Alatauda investisiia tartuǧa erekşe köŋıl bölınedı. Qazırdıŋ özınde jalpy qūny 1,8 trln teŋgenı qūraityn 44 investisiialyq joba pysyqtalyp, 30 myŋǧa juyq jaŋa jūmys ornyn aşu josparlanyp otyr. Jobalar qatarynda Mars, PepsiCo, Hyundai Green Food jäne basqa da ırı halyqaralyq kompaniialar bar.
Zaŋ jobasy aiasynda:
- arnaiy basqaru organy – Alatau City Authority qūrylady;
- investorlar üşın «bır tereze» qaǧidaty engızıledı;
- tūraqty salyqtyq jäne qūqyqtyq rejim qalyptastyrylady;
- ūzaq merzımdı (30 jylǧa deiıngı) damu strategiiasy bekıtıledı;
- jer qatynastary men infraqūrylymdy damytuǧa erekşe tärtıp belgılenedı.
Sondai-aq Alatau qalasy «Smart City» qaǧidaty boiynşa damyp, barlyq qyzmetter sifrlyq formatta ūsynylady. Qalada jasandy intellekt, robottandyru, avtonomdy kölık jäne sifrlyq aktivterdı retteu siiaqty zamanaui tehnologiialar engızıledı.
Sarapşylardyŋ boljamynşa, 2050 jylǧa qarai Alataudyŋ öŋırlık jalpy önımı 50 mlrd AQŞ dollaryna deiın jetuı mümkın.
