San-Diego qalasyndaǧy meşıtterdıŋ bırınde bolǧan atys saldarynan üş adam qaza tapty, dep habarlaidy "Adyrna" ūlttyq portaly.
Reuters deregınşe, qaiǧyly oqiǧa qala ortalyǧynan soltüstıkke qarai ornalasqan islam keşenınde bolǧan. Aumaqta meşıtpen qatar mektep te ornalasqan. Oqiǧa kezınde ǧimarat ışınde balalar bolǧanymen, olardyŋ barlyǧy der kezınde evakuasiialanyp, zardap şekpegen.
Aldyn ala mälımet boiynşa, atys kezınde mektepte arab tılı, islamtanu jäne Qūran oqu kurstary ötıp jatqan.
BAQ taratqan mälımette şabuyl saldarynan üş er adam qaza tapqany aitylǧan. Olardyŋ bırı – islam ortalyǧynyŋ küzetşısı. Taǧy qaza tapqan ekı adamnyŋ kım ekenı anyqtalyp jatyr.
Sonymen qatar oqiǧa ornynan şabuyl jasady degen küdıkke ılıngen ekı adamnyŋ da mäiıtı tabylǧan. Polisiia olardyŋ öz-özıne qol jūmsauy mümkın ekenın habarlady.
Oqiǧa saldarynan bırneşe adam türlı deŋgeidegı jaraqatpen auruhanaǧa jetkızılgen.
Polisiianyŋ mälımetınşe, küdıktıler – ekı jas jıgıt. Qazırgı uaqytta olardyŋ jeke basy men qylmys jasau sebepterı anyqtalyp jatyr. Tergeu aiasynda dıni öşpendılık negızınde jasalǧan şabuyl nūsqasy da qarastyryluda.
