Otarda merzimdi áskerı qyzmet atqaryp júrip komaǵa túsken 19 jastaǵy sarbaz oıandy. Bul týraly áleýmettik jelige ógeı ákesi Tımýr Janalın aıtty, dep habarlaıdy “Adyrna” ulttyq portaly.
Ol qıyn kezeńde qoldaý kórsetken dárigerlerge men otandastaryna alǵysyn bildirdi.
”Bizdiń ulymyz komadan shyqty! Qazir dárigerlerdiń aıtýynsha, ol sańyraý kúıde. Buryn júrgizilgen traheostomııaǵa baılanysty ol áli sóıleı almaı jatyr, biraq bizdi tanydy. Jaǵdaıy aýyr, dıalız jasalady. Ol shamamen 6-8 saǵatqa sozylady. Osy ýaqyt aralyǵynda ony ýaqytsha evtanızaııalaý kerek, ol ózine zııan keltirmeýi jáne jabdyqqa zaqym keltirmeýi úshin dári-dármekpen sedaııa jasalýy tıis. Dárigerler qoldan kelgenniń bárin jasady, bul úshin olarǵa erekshe alǵys aıtyldy”, — dedi Tımýr Janalın.
Aıta keteıik, buǵan deıin Jambyl oblysynyń Qordaı aýdanynda qyzmet ótkerip jatqan merzimdi áskerı qyzmettegi sarbaz aýrýhanaǵa túskenin “Adyrna” ulttyq portalyna anasy habarlanǵanyn jarııalaǵan edik. Aımaqtyń densaýlyq saqtaý basqarmasy sarbazdyń óte aýyr jaǵdaıda ekenin habarlaǵan.
