Atyrauda 17 ört söndıruşı jūmystan quyldy. Olar basşylyqtan jalaqyny köterudı talap etken eken. Alaida «İntergaz Ortalyq Aziia» kompaniiasyna qarasty merdıger GRWORLD bärın bır künde jūmyssyz qaldyrǧan. Būl turaly «KTK» arnasy jariialady, dep haarlaidy “Adyrna” ūlttyq portaly.
Mälımet boiynşa, ört söndıruşıler Maqat audanynan kelgen. Barlyǧy da «İntergaz Ortalyq Aziia» kompaniiasynyŋ gaz qūbyrlaryndaǧy qauıpsızdıkke jauapty jūmysşylar. Olardyŋ aituynşa, qauıptı nysandaǧy ört qauıpsızdıgın jylda ärtürlı kompaniia jeŋıp alady. Sondyqtan ört sondıruşıler de eşqandai äleumettık tölemsız, eŋbek demalysynsyz türlı kompaniiaǧa auysyp jüre beredı eken. Al ailyǧy nebärı 85 myŋ teŋge. Jaqynda «İntergaz Ortalyq Aziianyŋ» ört qauıpsızdıgın qamtamasyz etu basqa kompaniianyŋ qolyna ötken. Olar osy 17 adamdy jūmysqa qabyldaǧan. Alaida eŋbek şartyna kelıspei, eŋbekaqyny köterudı talap etkende, bärın bır künde jūmystan şyǧaryp jıbergen.
85 myŋ teŋge eŋbekaqy alamyz. Sony 50 paiyzǧa köter dep talap qoidyq. Sol talabymyzdy oryndamai, bızdı jūmystan zaŋsyz şyǧaryp jıberdı. 29 mausymda, bügın jūmysqa barǧanda «jūmystan bossyzdar» dep ornymyzǧa adam alyp, jūmystan bosatyp jıberdı. 17 adam. Eşqandai eskertu bermedı, - dedı ört söndıruşı Sälımbai Jūbanǧaliev.Taǧy bır ört söndıruşınıŋ aituynşa, olar prezident Qasym-Jomart Toqaevtyŋ «Ört söndıruşılerdıŋ jalaqysyn 70 paiyzǧa köterıŋder» degen joldauyn aitqan.
Qasym-Jomart Toqaevtyŋ aitqan joldauy bar ǧoi. «Ört söndıruşılerdıŋ jalaqysyn 70 paiyzǧa köterıŋder» degen... Bız sony aittyq. Osyndai joldau bar. Oǧan sızder baǧynbaisyzdar ma, Qazaqstanda tūrmaisyzdar ma dedık. Zaŋ bır emes pe? Olar «joq» dedı. Bız kötere almaimyz dedı, - deidı ört söndıruşı Azamat Mamyşev.Narazy top jalaqynyŋ azdyǧyn būǧan deiın de aitqan. Ol kezde eŋbek inspektorlary «şartqa qol qoidyŋyzdar, būl zaŋ boiynşa kelısım bergenderıŋız» dep tyiyp tastaǧan.
Al endı qol qoimap edık, bärımızdı jūmystan şyǧara saldy, - deidı aşynǧandar.Eŋbek inspeksiiasy jūmys beruşımen söileskenın aitqan. Bıraq merdıger jalaqyny ösıruge qarjy mümkındıgımız joq degen. Degenmen 17 adamdy eŋbek şartynsyz 27 kün jūmys ıstetkenı üşın jauapqa tartylady dep otyr.
Būl mäsele älı baqylauda. Oblys äkımınıŋ janynda üş jaqty tūraqty komissiia bar. Sol komissiiaǧa būl jaǧdai aitylady. Sol kezde tapsyrys beruşı «İntergaz Ortalyq Aziia» jūmys beruşı, barlyǧy şaqyrylyp, kelıssöz jürgızıledı, - dedı memlekettık eŋbek inspektory Kemel İmanǧaliev.Sonymen qatar «KTK» arnasynyŋ mälımetınşe, 17 adamdy bır künde jūmystan şyǧara salǧan kompaniia ökılderı «auyldyq jer üşın 85 myŋ teŋge az aqşa emes» degen.
Ūqsas jaŋalyqtar
