Monopolısterdiń menshigindegi 26 kompanııa memleketke qaıtarylady. Bul týraly Úkimet otyrysynda premer-mınıstrdiń orynbasary – Qarjy mınıstri Erulan Jamaýbaev málim etti, dep habarlaıdy “Adyrna” tilshisi.
Mınıstrdiń aıtýynsha, elimizde Ekonomıkany monopolııadan aryltý jóninde arnaıy komıssııa quryldy jáne jumys istep tur.
Qazirdiń ózinde Komıssııanyń 25 otyrysy ótkizildi. Qorytyndysy boıynsha buryn jekeshelendirilgen jáne básekeles ortaǵa berilgen nysanalardyń ishinen memleket menshigine berý úshin olardy irikteý ólshemsharttary ázirlendi.
Telekommýnıkaııa, temirjol ınfraqurylymy, ekologııa jáne qonaq úı bıznesi salalarynda akıonerlik qoǵamdar men jaýapkershiligi shekteýli seriktestikterdegi akııalar paketi men qatysý úlesteri, jyljymaıtyn múlik nysandary jáne aqshalaı qarajat memleket menshigine qabyldandy.
“Múlik memlekettik menshikke syıǵa tartý tártibimen – bıýdjetten qarjylyq shyǵynsyz qabyldanady. Kólik jáne temirjol ınfraqurylymy salasyndaǵy taǵy 26 kompanııany memlekettik menshikke berý proesinde. Bul baǵyttaǵy jumys kúsheıtiletin bolady”, - dedi mınıstr.
