2026 jylǧy 16 mamyrda Astanadaǧy Ūlttyq neirohirurgiia ortalyǧy bazasynda Kazakh Spine Days 2026 halyqaralyq jūlyn neirohirurgiiasy boiynşa bılım beru kursy aşyldy. Būl — Ortalyq Aziiadaǧy jūlyn neirohirurgiiasy salasyndaǧy eŋ ırı käsıbi ıs-şaralardyŋ bırı.
Ekı kün boiy Qazaqstannyŋ öŋırlerınen jäne şetelden kelgen jetekşı neirohirurgter, omyrtqa hirurgiiasynyŋ mamandary, zertteuşıler men jas därıgerler omyrtqa aurularyn diagnostikalau men emdeudıŋ zamanaui täsılderın, joǧary tehnologiialyq hirurgiialyq ädısterdı engızu jäne halyqaralyq käsıbi yntymaqtastyqty damytu mäselelerın talqylauda.
Alǧaşqy künı 100-den astam qatysuşy tırkeldı. Olardyŋ basym bölıgı Qazaqstannyŋ öŋırlerınen kelgen mamandar bolsa, sondai-aq ıs-şaraǧa Türkiia, Ūlybritaniia, Oŋtüstık Koreia jäne Qytai elderınen sarapşylar qatysuda.
Qatysuşylardy aşylu saltanatynda Qazaqstan Respublikasynyŋ Densaulyq saqtau vise-ministrı Erbol Ospanov qūttyqtap, mūndai halyqaralyq bılım beru alaŋdarynyŋ otandyq medisinasynyŋ damuyna zor serpın beretının atap öttı. Ol Astana qalasy men Ūlttyq neirohirurgiia ortalyǧynyŋ älemdık deŋgeidegı mamandardy qabyldauy — densaulyq saqtau jüiesın damytudaǧy jüielı jūmystyŋ nätijesı ekenın jetkızdı.
Qazaq neirohirurgtar assosiasiiasynyŋ jäne Ūlttyq neirohirurgiia ortalyǧynyŋ prezidentı, elımızdıŋ bas ştattan tys neirohirurgı, QR ŪǦA akademigı Serık Aqşolaqov jūlyn neirohirurgiiasyn damytu Qazaqstan medisinasynyŋ strategiialyq baǧyty ekenın atap öttı.
Konferensiianyŋ negızgı halyqaralyq spikerlerınıŋ bırı — professor Mehmet Zileli (Neirohirurgiialyq qoǧamdardyŋ düniejüzılık federasiiasy (WFNS) Jūlyn neirohirurgiiasy komitetınıŋ negızın qalauşy jäne alǧaşqy töraǧasy, WFNS-tıŋ qūrmettı müşesı). Ol «Bel auyrsynu közderın diagnostikalau» atty baiandamasynda omyrtqa patologiialaryn, äsırese degenerativtı aurulardy anyqtau jäne auyrsynudyŋ naqty sebebın tabudyŋ zamanaui täsılderıne toqtaldy.
Professordyŋ aituynşa, hirurgiialyq emnıŋ sättı nätijesı tek operasiianyŋ tehnikalyq sapasyna ǧana emes, sonymen qatar dūrys diagnoz qoiu men nauqasty operasiiaǧa dūrys ırıkteuge tıkelei bailanysty.
«Dūrys alynǧan pasient — operasiianyŋ tabysty nätijesınıŋ jäne qazırgı älemdık neirohirurgiiadaǧy qauıpsızdık qaǧidalarynyŋ negızgı faktorlarynyŋ bırı», — dedı professor Mehmet Zileli.
Sondai-aq ol Qazaqstandaǧy jūlyn neirohirurgiiasy deŋgeiınıŋ joǧary ekenın atap öttı. Onyŋ aituynşa, klinikalyq täsılder, jabdyqtalu deŋgeiı jäne oryndalatyn operasiialar älemnıŋ jetekşı ortalyqtarymen tolyqtai säikes keledı.
Professor Ūlttyq neirohirurgiia ortalyǧy bügınde halyqaralyq deŋgeidegı oqu jäne trening bazasy retınde qalyptasqanyn, mūnda jas mamandardy oqytuǧa jäne älemdık qauıpsızdık standarttaryn engızuge erekşe köŋıl bölıngenın aitty.
Ol kurs aiasynda halyqaralyq sarapşylardyŋ negızgı maqsaty — Qazaqstannyŋ öŋırlerınen kelgen jas därıgerlerdı oqytu, täjıribe almasu jäne jūlyn neirohirurgiiasy boiynşa praktikalyq daǧdylardy damytu ekenın de atap öttı.
Omyrtqa hirurgiiasy salasyndaǧy mamandardy bırıktıretın International Spine Society (ISS) halyqaralyq qoǧamynyŋ prezidentı - Yahya Güvenç öz sözınde halyqaralyq täjıribe almasu men bılım beru bastamalarynyŋ jūlyn neirohirurgiiasynyŋ damytudaǧy rölın erekşe atap öttı.
Kurs aiasynda Hands-on Workshop on Models formatyndaǧy praktikalyq sabaqtarǧa erekşe nazar audaryldy. Qatysuşylar anatomiialyq ülgıler men simuliasiialyq modelderde hirurgiialyq daǧdylardy jetıldırude.
Ǧylymi baǧdarlama omyrtqa hirurgiiasynyŋ özektı baǧyttaryn qamtidy: degenerativtı aurulardy emdeu, deformasiialardy tüzetu, jūlyn jaraqattaryn emdeu, ısıkter hirurgiiasy jäne däleldı medisinany engızu.
Kazakh Spine Days 2026 — täjıribe almasuǧa, käsıbi dialogqa jäne halyqaralyq yntymaqtastyqty nyǧaituǧa arnalǧan maŋyzdy alaŋǧa ainaldy.
