«Elektr energiiasynyŋ boljamdy tapşylyǧyn eskere otyryp, AES salu Qazaqstan üşın asa özektı taqyrypqa ainaluda. «Rosatom» stansiianyŋ qauıpsızdıgı men onyŋ ekologiialyq tazalyǧyna kepıldık bere otyryp, osy jobany qolǧa aluǧa daiyn». Būl sözderdı Resei Federasiiasynyŋ Qazaqstan Respublikasyndaǧy Tötenşe jäne Ökılettı Elşısı Aleksei Borodavkin aitty, dep habarlaidy «Adyrna» ūlttyq portaly Kznews.kz. saityna sılteme jasap.
Ol sondai-aq ekı eldıŋ qorşaǧan ortany qorǧau salasyndaǧy tabysty yntymaqtastyǧyn atap öttı. Qazaqstan älemdegı basqa memleketter siiaqty taza energetikaǧa mūqtaj. Būl saladaǧy tiımdı şeşımderdıŋ bırı — atom elektr stansiialary. Elektr energiiasynyŋ boljamdy tapşylyǧyn eskere otyryp, AES salu Qazaqstan üşın asa özektı taqyrypqa ainaluda. «Rosatom» stansiianyŋ qauıpsızdıgı men onyŋ ekologiialyq tazalyǧyna kepıldık bere otyryp, osy jobany qolǧa aluǧa daiyn.
Aita ketu kerek, köbeitılgen keibır BAQ jäne basqalar beibıt reseilık atomdy qauıptı dep taratqan aqpary şyndyqqa säikes emes. Reseilık atom elektr stansiialarynda qoldanylatyn eŋ zamanaui tehnologiialar qūrylys kezınde de, osy nysandardy paidalanu kezınde de täuekelderdıŋ bolmauyn qamtamasyz etedı. Taza elektr energiiasynan basqa, AES jobasy qazaqstandyq ekonomikanyŋ köptegen salalaryna serpın berıp, bılıktı jūmys oryndaryn qūryp, iadrolyq fizika salasyndaǧy joǧary bılım sapasyn arttyrady», — deidı elşı.
Ūqsas jaŋalyqtar
