«Qazaqstan Respublikasynyŋ Prezidentı turaly» Qazaqstan Respublikasy Konstitusiialyq zaŋynyŋ 17 jäne 21-baptaryna säikes jäne qoǧamdy odan ärı demokratiialandyru, elde jürgızılıp jatqan reformalar turaly halyqty habardar etu, jergılıktı atqaruşy organdardyŋ aşyqtyǧyn, jauapkerşılıgın, eseptılıgın arttyru maqsatynda QAULY jariialaǧan bolatyn.Bas qūjattyŋ aiasynda barlyq deŋgeidegı äkımder jyl boiy halyqpen kezdesuler ötkızıp, olardyŋ barysynda halyqty tolǧandyratyn äleumettık mäselelerge basa nazar audara otyryp, Qazaqstandy jaŋǧyrtudyŋ jaŋa baǧdarynyŋ negızgı baǧyttary turaly habardar etsın jäne problemalyq mäselelerdı şeşudıŋ joldary men merzımderın tüsındıru mındettelgen edı. Osyǧan säikes, Almaty şaharynyŋ äkımınıŋ halyqpen kezektı kezdesuı Türksıb audanynda öttı, dep habarlaidy «Adyrna» tılşısı.
Qala basşysy audannyŋ damuy jäne tūrǧyndardan tüsken ūsynystar boiynşa atqarylǧan jūmystar jaily aitty. Kezdesuge 200-den astam adam qatysty.
Audanda injenerlık jelılerdı jaŋǧyrtu mäselesı özektı mäsele bolyp qala beredı. Biyl jyl basynan berı 71,6 km injenerlık jelı salyndy, jūmys aiaqtalǧan soŋ 20 myŋnan astam tūrǧynǧa ortalyq kommunikasiialarǧa qosyluǧa mümkındık beredı. Sonymen qatar, jyl soŋyna deiın 3 kärız sorǧy stansiiasynyŋ qūrylysy aiaqtalady. Būǧan qosa, sumen jabdyqtau boiynşa taǧy 64,4 km jelı qūrylysyna jobalau-smetalyq qūjattamasy alyndy.
Audandy tūraqty elektr quatymen qamtamasyz etu üşın «Şuaqty» yqşamaudanynda 5,5 şaqyrym eskı elektr jelısı modernizasiialanyp, onyŋ 95%-y rekonstruksiiadan öttı.
2023 jyldyŋ basynda «Älmerek» jäne «Qairat» yqşamaudanynda elektr jelılerın rekonstruksiialau bastalady. «Tūzdybastau» qosalqy stansiiasy salynuda, būl jūmystar 2023 jyldyŋ mausym aiynda aiaqtalady dep kütılude.
Äkımmen mausym aiyndaǧy aldyŋǧy kezdesude Jahanger köşesındegı 22 üidı elektrmen jabdyqtau mäselesı köterılgen edı. Qazırgı taŋda jaŋa elektr jelısın salu jūmystary aiaqtaldy. Tūrǧyndar qalalyq jelıge qosylǧan jäne üzdıksız elektr quatymen qamtamasyz etılgen.
Magistraldyq köşeler boiynşa köşe jaryǧy jelılerın modernizasiialau aiaqtalyp, jyl soŋyna deiın Türksıb audany köşelerınıŋ 90%-y jaryqpen qamtylady.
Audanda jol infraqūrylymyn jäne qoǧamdyq kölıktı damytu mäselesı boiynşa ūzyndyǧy 9 km 17 köşe jöndeldı. Jalpy audany 20 myŋ şarşy metr 89 köşe aǧymdaǧy jöndeuden öttı, ūzyndyǧy 9 km 11 köşege trotuarlar salynyp, jöndeldı.
Mekteptegı oryn tapşylyǧyn azaitu üşın №59 mektep-gimnaziia ǧimaratyn rekonstruksiiadan ötkızıp, 900 orynǧa köbeitu qarastyrylǧan. Kelesı jyly audandaǧy ekı mektepte 1050 oryndyq qosymşa qūrylys bastalady.
Medisinalyq qyzmet körsetudıŋ qadamdyq qoljetımdılıgın qamtamasyz etu üşın jeltoqsan aiynda «Nūrşaşqan» yqşamaudanynda künıne 100 keluşını qabyldaityn därıgerlık ambulatoriianyŋ qūrylysy bastalady. 2023 jyldyŋ I toqsanynda Aibasov köşesındegı auysymyna 200 adam qabyldaityn taǧy bır därıgerlık ambulatoriia salu josparlanyp otyr.
Būǧan qosa, qala äkımınıŋ m.a. Erbolat Dosaev audannyŋ qoǧamdyq qauıpsızdıgın qamtamasyz etu şaralaryna toqtaldy. Jyl soŋyna deiın 174 mekenjaida 322 beinebaqylau kamerasy ornatylady. 2023 jyldyŋ säuır aiynda 96 mekenjaida taǧy 448 «Sergek» kamerasyn paidalanuǧa beru josparǧa engen.
«Halyq qatysatyn biudjet» baǧdarlamasy boiynşa audanda barlyq josparlanǧan 28 joba ıske asyryldy: 14 abattandyru orny, 10 balalar jäne sport alaŋdary, 4 konteinerlık alaŋ.
Almaty äkımınıŋ m.a. kezdesu barysynda tūrǧyndar joldardy, kärız jäne elektr jelılerın jöndeu, abattandyru jäne t.b. mäselelerdı köterdı.
Ūqsas jaŋalyqtar
