Kolumbiialyq änşı Şakira demalysyn keiınge qaldyryp, jer sılkınısınen zardap şekken Kibdo qalasyna bardy, dep habarlaidy "Adyrna" ūlttyq portaly.
Ol aimaqtaǧy jaǧdaimen tanysyp, zardap şekken tūrǧyndarǧa kömek körsetuge niettı ekenın aitty. Şakira qalaǧa amerikalyq käsıpker Uorren Baffettıŋ ūly Govard Baffetpen bırge barǧan. Olar tabiǧi apattan zardap şekken audandardy aralap, gumanitarlyq kömek körsetu jäne öŋırdıŋ äleumettık infraqūrylymyn qalpyna keltıru mäselelerın talqylady.
Änşı apat saldarynan bülıngen Choko tehnologiialyq universitetın tolyq qalpyna keltıruge jäne qiraǧan bılım beru nysandarynyŋ ornyna 10 jaŋa mektep saluǧa uäde berdı. Būl maqsatqa alǧaşqy 1 million dollar kölemınde qarajat tartylǧan. Onyŋ ışınde Global Citizen qozǧalysy men Live Nation konserttık promouterı 500 myŋ dollardan qarjy bölmek.
Jobanyŋ negızgı serıktesterı retınde Govard Baffettıŋ qaiyrymdylyq qory jäne Şakiranyŋ aimaqta 20 jyldan berı gumanitarlyq jūmystar jürgızıp kele jatqan Pies Descalzos qory belgılendı.
Şakira Kanada, Japoniia jäne Ūlybritaniia ükımetterıne, sondai-aq jeke kompaniialar men halyqaralyq qorlarǧa Choko öŋırınıŋ äleumettık infraqūrylymyn qalpyna keltıruge atsalysuǧa şaqyrdy.
