Adam ómirine arasha bolyp, abzaldyq ustanyman aınymaı qyzmet etip kele jatqan neırohırýrg, qazaqshyl dáriger óz oqıǵasymen bólisti. Ineniń kózindeı kishkene "tirshilik talshyqtaryn" tarqatyp, kóp jannyń betin beri qaratqan dárigerdiń kásibıligine qurmet tanytyp jatqandar kóp. Degenmen dáriger óziniń azamattyq ókinishin de ishine buǵyp qalmady. "Adyrna" ulttyq portaly dárigerdiń sáýleli sátteri men ishki qynjylysyn baıandaıdy.
“3 jeltoqsan. Demalys kúni. Kópshiliktiń januıasyna ýaqyt bóletin kúni. Biz bolsaq, adamdardyń ómirine arpalysýdamyz. Tańerteńnen bir-eki sharýalarymdy bitirgen soń, túske taıaǵan shaqta, ońtústik óńirimizdiń bedeldi jazýshysy Marhabat Baıǵut aǵamyzdyń jeti kúndik asyna qatysyp, quran ishinde boldyq. Sodan úıge kirgenim sol edi telefonym shyryldady. Kezekshi dáriger, mıdyń tamyry bitelip, ınsýltpen túsken naýqas jóninde baıandady. Bastalǵan ýaqytynan 1 saǵat ótken eken, sol jaq qol-aıaǵy sal bolyp qalypty. Mıdy qutqarýǵa úlgerip jatyrmyz.
Komandany jınap, otaǵa daıyndasyn degen tapsyrma berip, jumysqa jınala bastadym. Otaǵa aldyq. Otamyz sátti ótti, mıdyń tamyry ashyldy. Naýqastyń istemeı turǵan qol-aıaǵy ota ústeliniń ústinde qalypqa keldi. Shyqsam týystary tur eken. Jaǵdaıdyń barlyǵyn ashyp aıttym. Qýanyp qaldy.Sol mezette telefonym qaıta shyryldady. Kezekshi dáriger mıǵa qan quıylýmen naýqas túsip jatyr dedi. Astyna túsip tomografııada jasalǵan sýretterdi qarap shyǵyp, anevrızmasy jyrtylǵan degen boljamǵa keldik. Otaǵa daıyndańyzdar dedim.Týystaryna mán-jaıdy túsindirip, naýqasty otaǵa aldyq. Naýqasta oılaǵanymyzdaı aq anevrızmasy jyrtylyp ketken eken, biraq odan da bólek arterıovenozdy-malformaııasy bar eken. Bul aqaý mıda qalypty jaǵdaıda kezdespeıtin shımaqtalǵan tamyrlardyń aqaýy, anevrızmanyń paıda bolýynyń sebebi de sodan bolsa kerek. Ota sátti ótti. Jyrtylǵan anevrızmasyn jaýyp tastadyq. Týystary qýanyp qaldy.
Biraq ómirde barlyq ota oılaǵandaı sátti ótpeıdi. Keıde bizge baılanysy joq asqynýlar da bolyp jatady. Ondaı kezde naýqastardyń týystary úshin sen jek kórinishti bolasyń.Túsinetini bar, túsinbeıtini bar. Kásibimizdiń bar qıyndyǵyn sol mezette túsinesiń. Júregiń qynjylyp tursa da, týystary qarǵys aıtyp jatady. Amal qansha, ómirde ondaı mezetter sırek te bolsa, ókinishke qaraı, bolyp turady”.
Dárigerdiń ózi baıandaǵan oqıǵany oqyp, júregi eljirep jatqan jandar kóp:
"Bárekeldi, qazaqtan myqty dárigerler shyqty", "Ońaı emes. Bilikti, myqty Qazaqtar jasaı bersin!", "Adam janyna arasha túser aq halatty abzal jandar aman bolsyn!", "Baýyrymnyń basyna amandyq tileımin!", - dep jazdy qalyń kópshilik.
"Adyrna" ulttyq portaly
