Ekibastuz qalasynda jylýsyz otyrǵan áli 11 turǵyn úı bar. Búgin qas qaraıǵansha barlyq shańyraqqa jylý jelileri jalǵanyp, apattyq jaı-kúı retteledi, dep habarlaıdy "Adyrna" ulttyq portaly.
Tótenshe jaǵdaıdy joıý jónindegi jedel shtab Ekibastuz qalasynda apattyq jaǵdaıdy qalpyna keltirý jumystaryn jalǵastyryp jatyr. Bul jaıly "UKIMET" Telegram-arnasy habarlady.
4 jeltoqsan, tańǵy saǵat 08:00-degi ahýal boıynsha aıtar bolsaq, 11 úıdiń jylý jelileri jóndelip jatyr.
Jylý júıesine qosylýǵa daıyn úılerde qubyrlar men radıatorlar aýystyrylý ústinde. Sonymen qatar sýmen jáne jylýmen jabdyqtaý júıelerin jóndeý jumystary júriýde.
Negizinen alǵanda, Ekibastuz qalasynda barlyǵy 689 kóp qabatty úı bar. Onyń ishindegi jylýsyz qalǵan 11 úıge keshki ýaqytqa deıin jylý berý josparlandy.
Jóndeý-qalpyna keltirý qyzmetine 500-ge jýyq adam jumyldyryldy.
"Adyrna" ulttyq portaly
