Búgin Qurmanǵazy atyndaǵy Qazaq Ulttyq halyq aspaptar orkestriniń shańyraǵynda QR Mádenıet jáne sport mınıstrliginiń qoldaýymen Qurmanǵazy orkestri uıymdastyrǵan Respýblıkalyq «Shertpe kúı» dástúrli mýzykalyq festıvali shymyldyǵyn túrdi.
Kópti eleń etkizgen baıqaýǵa Qazaqstannyń ár óńirinen jınalǵan 16 men 35 jas aralyǵyndaǵy shertpe kúı dástúrin meńgergen 45-ke jýyq talantty dombyrashylar jınaldy. Festıval aıasynda Almaty qalasynda «shertpe» dástúrindegi oryndaýshylardyń qatysýymen «Dombyra» nomınaııasynda shertpe dástúrindegi úzdik oryndaýshylardy anyqtaıtyn konkýrs ótedi.
Uly dala tórinen oryn alǵan ultymyzdyń dástúrli kúı ónerin dáripteýdi murat tutatyn bul shara elimizdiń mádenı ómirindegi aıshyqty oqıǵalardyń biri bolary sózsiz.
Baıqaý 2 týrdan turady, qatysýshylar dástúrli «shertpe» mektebi ókilderiniń 5 shyǵarmasyn jáne qatysýshynyń tańdaýy boıynsha qazirgi zamanǵy kompozıtordyń bir kúıin oryndaıdy.
Qatysýshylardyń óner kórsetýin baǵalaý, sondaı-aq qorytyndylar shyǵarý jáne jeńimpazdardy aıqyndaý úshin dástúrli óner salasyndaǵy qaıratkerlerden qazylar alqasynyń quramy bekitilgen. Atap aıtqanda: Janǵalı Júzbaı, Seken Turysbekov, Bilál Ysqaq, Murat Ábýǵazy, Batyrjan Myqtybaev.
Konkýrs kelesi negizgi kezeńderden turady:
- 2022 jylǵy 1 jeltoqsanda festıvaldiń saltanatty ashylý rásimi jáne konkýrstyń 1 týry;
- 2022 jylǵy 2 jeltoqsan konkýrstyń 2 týry;
- 2022 jylǵy 3 jeltoqsan Fınal jáne jeńimpazdar men dıplomanttardy marapattaý rásimimen ótetin gala konert.
