Ońtústik Koreıa eline jumys isteýge barǵan otandasymyz qamaýǵa alyndy. Bul týraly @korea_komek Instagram paraqshasy jarııalady, dep habarlaıdy “Adyrna” ulttyq portaly.
Aqparatqa súıensek, Qazaqstan azamaty azyq-túlik dúkenindegi satýshy qyzǵa qyryndap, qolynan súıgen.
«Oqıǵa ornyna polıııa kelgen kezde qazaqstandyq jigit qashyp ketken. Jedel izdestirý barysynda polıııa qyzmetkerleri otandasymyzdy ustady. Káris qyzyna qyryndaǵan jigit ýaqytsha ustaý ızolıatoryna qamaýǵa alyndy. Sotqa deıingi tergeý jumystary bastaldy», delingen málimette.
Eger Qazaqstan azamatynyń kinási dáleldense, ol 1 jylǵa deıin bas bostandyǵynan aıyrylý jazasyn arqalaýy múmkin eken.
Ońtústik Koreıadaǵy qazaqstandyq bloger Samat Ahmetovke shet elge nápaqa tabýǵa barǵan otandasymyz ondaǵy zańnyń osynshama qatal ekenin bilmegenin, basqalar qateligin qaıtalamaýyn aıtyp bergen.
«Men úlken qatelik jasadym. Qyzdan keshirim de suradym. Koreıanyń zańy osynshama qatal ekenin, bir ǵana qolynan súıgenim úshin qamaýǵa alynatynymdy bilgen joqpyn. Basqa jigitterge aıtarsyz, olar men jasaǵan qatelikti qaıtalamasa eken», - deıdi qamaýǵa alynǵan qazaqstandyq.
