Jetısu oblysynyŋ poliseilerı äleumettık jelılerde köp jyl eŋbek qūldyǧynda bolǧanyn mälımdegen er adamdy ızdep tapty, dep habarlaidy “Adyrna” ūlttyq portaly.
22 qaraşada äleumettık jelıde 10 jyl Qaratal audanyndaǧy şarua qojalyq iesınıŋ qūldyǧynda bolǧanyn mälımdegen er adamnyŋ videosy tarady. Poliseiler videonyŋ avtory Üştöbe qalasynyŋ 44 jastaǧy tūrǧyny ekenın anyqtaǧan
Er adam özınıŋ jäne otbasy müşelerınıŋ qūjattaryn jūmys beruşı zaŋsyz iemdengenın aitady.
«Qazır er adamnyŋ ötınışı resmi türde tırkeldı. Oǧan qatysy bar barlyq adamdardan tüsınıkteme alyndy. Iаǧni şarua qojalyǧynyŋ iesı, onyŋ qyzmetkerlerı, sondai-aq jäbırlenuşınıŋ tuystary. Qūjattardy zaŋsyz alu deregı boiynşa tergeu amaldary bastaldy. Qylmystyq ıs aiasynda, ötınış beruşınıŋ eŋbektı paidalanuy turaly keltırgen dälelderı de tekserılıp jatyr», – dedı oblys PD bastyǧynyŋ orynbasary Eldar Äbdıkenov.Poliseilerdıŋ aituynşa, er adam men qyzyna kömek körsetılgen. Tergeu barysynda olar Taldyqorǧan öŋırlık «Äielderdı qoldau ortalyǧy» qoǧamdyq bırlestıgınıŋ ökılderı ūsynǧan tūrǧyn üimen, kiımmen jäne tamaqpen qamtamasyz etılgen.
Ūqsas jaŋalyqtar
