"Adyrna" portalyna jas suretşınıŋ öz ideiasy men eŋbegınıŋ qaz-qalpynda qoldy bolǧanyna aşynyp jazǧan haty kelıp tüstı. Onyŋ Taldyqorǧan qalasyndaǧy köpqabatty üi qabyrǧasyna bederlegen keskındemesı (muralynyŋ) ūrlanǧan. Muraldyŋ eskizı Almaty qalasyndaǧy üilerdıŋ bırınde rūqsatsyz köşırlıp, boialǧan. Suretşınıŋ şaǧymyna äkımdık te, qūzyrly organdar da mandyrtyp jauap bermei otyr.
Qajyr-qairat pen yjdaǧattylyqty, şyǧarmaşylyq körkemdıktı qajet etetın tuyndyny avtor oiynda jaŋǧyrtyp, mereke künıne orai jaryqqa şyǧarady. Alaida keiınnen öz tuyndysynyŋ aina-qatesız köşırmesımen özı Almaty qalasynda jolyǧady.
Almaty qalasyndaǧy köşırme mural:
"Men - İmanǧali Erkeǧali. Sızderge öz tuyndymnyŋ rūqsatsyz ūrlanǧany boiynşa hat joldap otyrmyn. Menıŋ bezendırgen muralym 2021 jyly Taldyqorǧan qalasynda "Qūtqaruşylar künıne" orailastyryp salynǧan edı. Bügınde aina-qatesız däl sondai mural Almaty qalasyndaǧy köpqabatty üilerdıŋ bırıne salynypty. Muraldy "köşırıp basu" Almaty äkımdıgınıŋ tapsyrmasy boiynşa jüzege asqan. Būl Taldyqorǧan qalasynda arnaiy tapsyryspen salynǧan menıŋ jūmysym, ony eskertpesten rūqsatsyz qoldanyp otyr. Erekşe muraldyŋ (graffitidıŋ) nobaiy Taldyqorǧan TJ departamentınde jūmys ısteitın keiıpkermen jeke kelısım-şart boiynşa jasaldy. Surettegı kışkene qyz da bızdıŋ qalamyzdyŋ tūrǧyny. Eskiz, iaǧni tuyndynyŋ nobaiyn jasau kezınde bız fotosessiia jürgızdık. Dizainer arnaiy eskiz syzdy. Köp eŋbek pen uaqyt sarp ettık. Bıraq "köşırgışter" menen de, mural keiıpkerlerınen de rūqsat sūramady. Osy eskizdı menıŋ kelısımımsız paidalanǧan adamdarǧa qatysty şaralar qabyldauyŋyzdy sūraimyn", - dep jazylǧan hatta.Däl qazırgı uaqytta Almaty qalasynyŋ äkımı Erbolat Askarbekūlyna sūranys hat joldandy. Tūtas ürdıstı "Adyrna" ūlttyq portaly baqylauynda ūstaityn bolady. Qosymşa aqparat: Avtor qabyrǧa suretınıŋ qai uaqytta salynǧanyn aiǧaqtaityn foto-ckrin da joldady. 17 qazan. 2021 jyl.
Almaty qalasyndaǧy köşırme mural:
"Adyrna" ūlttyq portaly
Ūqsas jaŋalyqtar
