Qazaqstandaǵy Adam quqyqtary jónindegi ýákil Artýr Lastaevtiń málimdeýinshe, Taldyqorǵandyq ana óz ulyna qatigezdik kórsetkeni úshin ony ata-analyq quqyǵynan aıyrýy múmkin, dep habarlaıdy “Adyrna” ulttyq portaly.
«Komıssııa músheleri Lebedevter januıasy turatyn úıge baryp, turmys jaǵdaıyn zerttedi. Anasy men eki balasy antısanıtarlyq jaǵdaıda ómir súrgen, al áıel alkogoldik ishimdikterdi paıdalanǵanyn jáne balalardy qorlaǵanyn joqqa shyǵarmady. Sóıtip, Svetlana Lebedeva 9 jasar uly Artemdi aıazda saraıǵa qamap tastaǵan», – deıdi Artýr Lastaev.
Qamqorshylyq organdary Jetisý oblysy boıynsha ókildigimen birge áıeldi ata-ana quqyǵynan aıyrý týraly talap aryzdy sotqa joldady. Qazir bul is qaralyp, úlken balasy Taldyqorǵan qalasyndaǵy kámeletke tolmaǵandardy beıimdeý ortalyǵyna ýaqytsha ornalastyryldy. Sondaı-aq balanyń anasy tarapynan birneshe ret fızıkalyq zorlyq-zombylyq kórgeni kórsetilgen.
“Adyrna” ulttyq portaly
