"Qazaq qyzdaryn syndyramyn" dep jelını şulatqan “Aleks Lesli” laqap atymen tanymal reseilık pikaper Aleksandr Kirillov özınıŋ telegram-arnasynda "Maǧan Qazaqstanǧa kıruge eşkım resmi türde tyiym salynǧan joq, reisımdı toqtatpaimyn" dep mälımdedı. Būl turaly "Adyrna" ūlttyq portaly jazady.
"Maǧan Qazaqstanǧa kıruge tyiym salyndy dep BAQ taratqan qauesetterge senbeŋızder. Menıŋ Qazaqstanǧa kıruıme tyiym salynǧany turaly resmi rastau joq, TASS-ta da, basqa basylymdardyŋ bırde-bıreuınde de resmi sılteme joq. Mümkın emes. Bız eşqandai zaŋdy būzyp otyrǧan joqpyz. Men reisımdı toqtatpaimyn. BAQ-nyŋ arandatularyna jol bermeŋızder", - dep jazdy ol.Esterıŋızge sala keteiık, būǧan deiın Almaty qalasynyŋ Polisiia departamentı qabyldanǧan şaralarmen Resei Federasiiasynyŋ azamaty A.Kirillovtyŋ Qazaqstanǧa kıruıne bır jylǧa tyiym salynǧanyn mälımdegen bolatyn.
"Adyrna" ūlttyq portaly
Ūqsas jaŋalyqtar
