2030 jylǵa deıin Almatyda 2,5 mıllıon aǵash otyrǵyzý josparlanýda  - Prezıdent

2521
Adyrna.kz Telegram

Qazaqstan Respýblıkasynyń Prezıdenti Qasym-Jomart Toqaev Almaty qalasyna jasaǵan jumys saparynda qala halqymen kezdesý ótkizdi.  Onda birshama mańyzdy másellerdi jipke tizdi. Sonyń biri- aýanyń lastanýy boldy, dep habarlaıdy «Adyrna» tilshisi.

«Almatylyqtar Aýanyń lastanýynyń joǵary deńgeıine qatty alańdaıtynyn bilemin. Bul másele qala turǵyndary úshin eń mańyzdylarynyń biri sanatyna ótti jáne dereý sheshýdi talap etedi. Sondyqtan ekologııa máseleleri árqashan meniń nazarymda. Qorshaǵan orta azamattardyń densaýlyǵy men ómir súrý uzaqtyǵyna tikeleı áserin tıgizedi», - dedi Prezıdent kezdesý barysynda.

Kún saıyn atmosferaǵa lastaýshy zattar shyǵaryndylarynyń kólemi shamamen 125 myń tonnany quraıdy. Negizgi kózder avtokólik (55%), qalalyq JEO jáne ónerkásiptik kásiporyndar (35%), sondaı-aq gazdandyrylmaǵan jeke úıler (shamamen 10%) bolyp tabylady. Jaǵdaıdy "jeldiń raýshanyn" eskermeıtin jáne qalaǵa taza aýanyń túsýine jol bermeıtin tyǵyz qurylys qıyndatady. Jol-kólik júıesiniń tıimdiligin arttyra otyryp, qala ekologııasyn aıtarlyqtaı jaqsartýǵa bolady.

«Jańa tehnologııalar men aqyldy trafıktiń arqasynda azamattardyń utqyrlyǵy qorshaǵan ortaǵa teris áser etpeıdi. Ákimdik qalada, eń aldymen ónerkásiptik kásiporyndarda ekologııalyq qaýipsizdik normalarynyń saqtalýyn qatań qadaǵalaýǵa tıis. JEO-2 jáne JEO-3-ti gazǵa aýystyrý zııandy shyǵaryndylar deńgeıin on eseden astam tómendetýge múmkindik beredi»,-dedi Qasym-Jomart Kemeluly.

Megopolıs turǵyndarymen ashyq dıolog qurǵan Prezıdent jeke turǵyn úı sektoryn tolyǵymen gazdandyrý da mańyzdy ekenin de aıtty.  Búgingi tańda Almaty qalasynyń ákimdigi bul baǵytta belsendi jumys júrgizýde, gazben jylytýǵa qosylmaǵan myńǵa jýyq úı qaldy. Alaıda, áli sheshimegen bir túıitkil bar. Ol - qala mańyndaǵy eldi mekenderdi gazdandyrý máselesi.

Memleket basshysy Almatyda aýa men qorshaǵan orta sapasyn jaqsartýdyń taǵy bir mańyzdy faktory kógaldandyrý ekenin alǵa tartty.

Prezıdenttiń sózine súıensek, Jasyl jelegimen tanylǵan Almatyn Almatynyń  sońǵy jyldary jasyl qala retindegi bedeli tómendegen.

« Biz shetelge baramyz jáne Almatyǵa qaraǵanda jasyl jáne taza qalalar bar ekenin kóremiz. Onda shamamen 4 mıllıon aǵash bar, biraq keıbir aýdandarda olar jetkiliksiz. Sonymen qatar, qaladaǵy jasyl keńistikter men aǵashtardyń 10% - dan astamy jańartýdy qajet etedi. 2030 jylǵa deıin Almatyda 2,5 mıllıon aǵash otyrǵyzý josparlanýda. Bul óte úlken kólem. Eń bastysy, kógaldandyrý sýarmaly sýdyń qol jetimdiligi men qala josparyn eskere otyryp, maǵynaly jáne birkelki júrgizilýi kerek. Almatyda 136 saıabaq bar. Olardyń sanyn kóbeıtý jáne abattandyrý boıynsha dáıekti jumys júrgizilýde. Bul  is aıtarlyqtaı qýanta almaıdy. Alaıda, qala basshylyǵy munymen toqtap qalmaýy kerek. Almaty óziniń «baqsha qalasy» mártebesin kúsheıtýi tıis. Bul tek qalanyń ǵana emes, búkil eldiń bedeline qatysty másele. Ol úshin turaqty «ekologııalyq qańqa» qurý qajet, oǵan jańa rekreaııalyq aımaqtar men Almaty taý bókterinen oıpattarǵa deıin qıylysatyn jáne megapolıstiń tabıǵı jeldetýin qoldaıtyn kógaldandyrylǵan ózen dálizderi kiredi»,-dedi óz sózinde Prezıdent.

Toqaev, qalanyń ekologııalyq jaı-kúıin jaqsartý úshin aldymen óskeleń urpaqqa jasyl jelekterge uqypty qaraý degen oıdy boıyna  sińirýimiz kerektigin eske saldy.

Onyń aıtýynsha, keıbir elderde, atap aıtqanda Túrkııada aǵashtardy kesýge jáne jasyl jelekterdi joıýǵa qatań tyıym salatyn zańdar bar.

«Biz paıdaly sheteldik tájirıbeni paıdalanýymyz kerek dep oılaımyn. Almatynyń Bas josparyn jańartý boıynsha jumys sheńberinde biryńǵaı qala qurylysy reglamentin qabyldaý qajet, ol aýa aǵyndarynyń aınalymyn eskerýi tıis. Bul sharalar qaladaǵy ekologııalyq jaǵdaıdy jaqsartýda eleýli progreske qol jetkizýge múmkindik beretinine jáne qala turǵyndarynyń densaýlyǵyn saqtaýǵa jáne ómir súrý sapasyn arttyrýǵa yqpal etetinine senimdimin,-dep túıindedi Toqaev.

Pikirler