Täuelsızdık künı qarsaŋynda Almatyda būqaralyq sportty damytuǧa, aula bastamalaryn qoldauǧa, är jastaǧy tūrǧyndardy belsendı ömır saltyna tartuǧa, sondai-aq qalanyŋ är audanynda bıryŋǧai dostyq sport ortasyn qalyptastyruǧa baǧyttalǧan «Sport – Dostyq alaŋy» qalalyq sporttyq jobasy jüzege asyrylyp jatyr.
Joba türlı alaŋdardy qamtyp, fleşmobtar, turnirler, otbasy jarystary men äleumettık-sporttyq aksiialardy bırıktıredı.
Ötken demalys künderı Almatynyŋ bırneşe audanynda auqymdy ıs-şaralar öttı.
Medeu audanynda joba aiasynda jäne «Taza Qazaqstan» respublikalyq aksiiasymen bırlese ırı sporttyq eko-fleşmob ūiymdastyryldy. 700-den astam tūrǧyn — jastar, oquşylar, studentter, audan ardagerlerı men volonterler — sporttyq oiyndar, bi fleşmobtary jäne türlı belsendı baǧdarlamalarǧa qatysty.
Almaly audanyndaǧy Gandi atyndaǧy saiabaqta sporttyq otbasylyq estafeta öttı. Turnirge ata-analar men olardyŋ balalary qatysyp, ūiymşyldyqty, energiiany jäne naǧyz komanda ruhyn körsettı. Estafetalar jarqyn, şielenıstı jäne köŋıldı öttı. Bırınşı oryndy Askarovtar otbasy ielendı. Barlyq qatysuşylarǧa alǧys hattar men estelık syilyqtar tabystaldy.
Äuezov audanynda auqymdy spartakiada ūiymdastyryldy. Qatysuşylar asyq atu, darts, şahmat, arqan tartu jäne tartysty voleibol matchtary siiaqty bırneşe sport türlerınen küş synasty.
Alatau audanynyŋ Nūrkent yqşamaudanynda «Sport – Dostyq alaŋy» jobasy aiasynda aşyq futbol jattyǧuy öttı. Is-şarada käsıbi jattyqtyruşylar balalar üşın belsendı, serpındı jäne şabyttandyratyn atmosfera qalyptastyrdy. Jas qatysuşylar qyzu qatysyp, jarqyn qyzdyru-fleşmob oryndap, oiynnyŋ negızgı elementterın pysyqtap, komandalyq tapsyrmalarǧa qatysty.
Bostandyq audanynda Bırınşı Prezident saiabaǧynda joba aiasynda ūlttyq sport türlerınen jarystar öttı. Jastar arqan tartu, läŋgı, asyq atu, armrestling jäne qoi köteru boiynşa qyzyǧuşylyqpen baq synady.
Türksıb audanynda balalar men jastar jekpe-jek türlerı boiynşa jarysyp, turnikke tartylyp, qoldy jerge tırep jattyǧu jasady.
Joba tūrǧyndar tarapynan oŋ pıkırlerge ie bolyp, aldaǧy demalys künderı de jalǧasyn tabady.
6 jeltoqsanda Gandi atyndaǧy saiabaq pen Nauryzbai audany amfiteatrynda türlı estafetalar, jonglerlık jäne dop laqtyru saiystary ötedı. Al Ainabūlaq-2 yqşamaudanyndaǧy Arbatta basketbol laqtyru jäne armrestling boiynşa jarystar ūiymdastyrylady.
7 jeltoqsanda Aiteke bi köşesındegı skverde park boiynşa jügıru, qyzdyru jattyǧulary jäne «Mausymaralyq kezeŋde qalai jattyqqan dūrys?» taqyrybynda därıs ötkızıledı. Jas Qanat yqşamaudanynda dziudo boiynşa körsetılımder, jattyǧular, armrestling, arqan tartu, şahmat turnirı, ūzyndyqqa sekıru, şyǧarmaşylyq nömırler ūiymdastyrylady.
«Sport – Dostyq alaŋy» jobasy audandardy bırıktırıp, sport mädenietın nyǧaituǧa yqpal etetının atap ötken jön. Jobanyŋ ortaq ideiasy arqyly qalanyŋ är audanyndaǧy tūrǧyndar sport töŋıregınde bırıgıp, belsendı uaqyt ötkızuge, täjıribe almasuǧa jäne dene daiyndyǧyn jetıldıruge mümkındık alady.
Joba jastar arasynda senımdılık, şydamdylyq, dästürge qūrmet jäne salauatty ömır saltyna berılgendık qasietterın qalyptastyruǧa da yqpal etedı.
Almaty «Sport – Dostyq alaŋy» jobasyn odan ärı jalǧastyryp, būqaralyq sportty damytu jäne qala tūrǧyndary üşın belsendı ärı salauatty ömır saltyna jaǧdai jasaudy jalǧastyrady. Alda — jaŋa turnirler, fleşmobtar, jarystar jäne qalanyŋ bıryŋǧai sport mädenietınıŋ bır bölıgıne ainalatyn äleumettık bastamalar.
