Memleket qaıratkeri Altynbek Sársenbaıulynyń dosy, jazýshy Júsipbek Qorǵasbek onyń ólimine, jaýlaryna, ustanymdaryna qatysty tyń derektermen bólisti. Bul týraly«Qasqa jol» ıýtýb arnasyna bergen suhbatynda aıtty, dep habarlaıdy “Adyrna” ulttyq portaly.
Aıtýynsha, Altynbek Sársenbaıulynyń massondardyń qolynan qaza tapty degen aqparat shyndyqqa janaspaıdy.
"Altynbektiń ólimine qatysty bizdiń qolymyzda zań oryndarynyń tergeý tekserýinen basqa eshteńe joq. Biraq ol tikeleı júıeniń qurbany degenge keliskim kelmeıdi. Biraq sol júıeniń ishindegi jekelegen adamdarmen ashyq jaý bolǵanyn bilemin. Solardyń qolynan bolǵan qaza shyǵar dep oılaımyn. Al Beıbit Saparáli bul halyqaralyq kúshterdiń massondardyń qolynan qaza boldy degen áńgime atqan eken. Ol asyǵystaý aıtylyp keten pikir dep oılaımyn. Qazir bizdiń qolymyzda myna adam dep ustap berýge eshqandaı dálel joq.»,- dedi Júsipbek Qorǵasbek.
Sondaı-aq jýrnalıst oppozıııa arasyndaǵy jaıttardy da qozǵady.
«Bir kúni oppozıııaǵa yqpaly bar adamdardyń bári jınaldy. Onyń ishinde bank basshylary bar, qarjylyq toptardyń da adamdary bar. Bári jınalyp, sondaǵy aınaldyrǵany «Jas Alash» gazeti jáne meni qyzmetten ketirý týraly másele qoıǵan. Sondaı bylaı degen: Myna Júsipbek Qorǵasbek qaıta-qaıta Muhtar Shahanovty shyǵara beredi degen. Oppozıııanyń jigitteriniń aıtyp otyrǵany. Al Shahnovty nege aıtyp otyr? Shahanov tym qazaqqy, qazaqshyl, ózderiniń deńgeıinen tómen sanap otyr ǵoı. Sony «Jas Alash» únemi basady, biz aıtsaq kónbeıdi. Endi ózin jumystan alý kerek degen másele qoıǵan ǵoı. Sonda Altynbek qarsy shyǵypty. Ol meniń oılaǵanymdaı gazet shyǵaryp otyr, jumysyna razymyn jáne oǵan anany ber, mynany berme dep aıta almaımyn degen. Sonda Nurjan Subhanberdın: Altynbek bizden góri osy salanyń adamy, sondyqtan óz qalaýy shyǵar, senderdiń ne sharýalaryń bar, dep qorǵap qalǵan.
Arada bir-eki jyl ótkende oppozıııanyń jigitteri, serkeleri habarlasty.Siz ana Shahanovqa aıtyńyzshy, biz alańda táýelsizdik monýmentine gúl shoqtaryn qoıaıq dep edik. Bizdi bastap barsyn deıdi. Sender ony jaqtyrmaýshy edińder ǵoı, endi men nege aıtýym kerek desem, sen túsinesiń ǵoı, biz barsaq halyq jınalmaıdy. Shahanov barsa halyq jınalady degendi aıtty", - dedi Júsipbek Qorǵasbek.
