Almatydan 250 shaqyrym jerde jer silkinisi boldy, - dep habarlaıdy "Adyrna" portaly.
Jer silkinisin Tótenshe jaǵdaılar mınıstrliginiń "Seısmologııalyq baıqaýlar men zertteýlerdiń ulttyq ǵylymı ortalyǵy" jáne JShS TJM 24 qańtarda Astana ýaqytymen saǵat 07:35-te tirkedi.
"Jer silkinisiniń oshaǵy Almatydan ońtústik-shyǵysqa qaraı 250 shaqyrym jerde Qyrǵyzstan aýmaǵynda ornalasqan. Jer silkinisiniń energetıkalyq klasy 11,3. Magnıtýdasy MPV 4,9", - delingen habarlamada.
Qazaqstan aýmaǵynda sezilgeni týraly aqparat joq ekeni atap ótildi.
Al buǵan deıin 24 qańtar kúni Almaty ýaqyty boıynsha saǵat 02:38-de taǵy bir dúmpý tirkeldi. Jer silkinisiniń oshaǵy Almatydan ońtústik-shyǵysqa qaraı 273 shaqyrym jerde Qytaı aýmaǵynda ornalasqan.
"Jer silkinisiniń energetıkalyq klasy - 13,3. Magnıtýdasy MPV - 5,5. Epıentrdiń koordınattary - 41,06 ° N 78,51 ° E. Tereńdigi - bes shaqyrym. Palpaııa týraly aqparat (MSK-64 shkalasy boıynsha): Almatyda eki ball", dep habarlady departament.
