Ulytaý oblysynyń ákimi 20 mıllıonynshy qazaqstandyqtardy quttyqtap, syılyqtar tartý etti

1270
Adyrna.kz Telegram

Halyqtyń derekter bazasynyń kórsetkishterine sáıkes, 2023 jylǵy 14 qarashada saǵat 08:10-da týǵan 5 bala elimizdiń 20 mıllıonynshy turǵyny boldy.

Olardyń arasynda Ulytaý oblysyndaǵy Seıtjan otbasynyń perzenti Tomırıs te bar.

Búgin jas ana Áıgerim Moldashevany quttyqtaý úshin oblys ákiminiń mindetin atqarýshy Ulantaı Úsenov, qala ákimi Qaırat Shaıjanov, qalalyq máslıhat tóraǵasy Raýshan Kaparova arnaıy bardy. Tomırıstiń anasyna memleket basshysynyń, Ulytaý oblysynyń jáne Jezqazǵan qalasy ákimderiniń atynan arnaıy syılyqtar tabystaldy.

Sonymen qatar, aıtýly oqıǵanyń qurmetine oraı jas otbasyǵa «Otbasy bank» AQ-nan 2 mln teńge somasynda sertıfıkat tabystaldy.

Qazirgi ýaqytta jas kelinshektiń jaǵdaıy jaqsy. Búldirshinniń salmaǵy 3 keli bolsa, boıy 49 sm. Áıgerim Moldashevanyń aıtýynsha, qyzdyń esimin atasy tańdaǵan.

Qala ákimi ákimdik atynan 20 mıllıondyq qazaqstandyq esebin bastaıtyn sábılerdi de quttyqtap, estelik syılyqtar tartý etti.

Pikirler