Foto: pinterest.com
Qazaqstanda merekelık künder qatary taǧy bır jaŋa datamen tolyqty. Ükımettıŋ 2026 jylǧy 15 säuırdegı qaulysymen tiıstı tızbege özgerıster engızıldı, dep habarlaidy "Adyrna".
Qūjatqa säikes, endı jyl saiyn 3 qyrküiekte Qazaq tazysy men töbetı künı atap ötıledı. Būl kün ūlttyq it tūqymdaryn saqtau, olardy qorǧau jäne nasihattau maqsatynda engızılıp otyr.
Qazaqy tazy men töbet – halqymyzdyŋ mädeni mūrasynyŋ ajyramas bölıgı sanalady. Tazy – aŋşylyqta paidalanylatyn jüirık ärı tözımdı it bolsa, töbet – mal men üi-jaidy qorǧaityn, batyl ärı senımdı küzetşı retınde keŋınen tanymal.
Jaŋa mereke osy asyl tūqymdy itterge degen qūrmettı arttyryp, olardyŋ genetikalyq qoryn saqtauǧa, sondai-aq ūlttyq qūndylyqtardy därıpteuge baǧyttalǧan.
Aita keteiık, atalǧan qauly 2026 jylǧy 28 säuırden bastap resmi türde küşıne enedı.
Ūqsas jaŋalyqtar
